KNU နှင့် Geneva Call ကလေးစစ်သားနှင့် အမျိုးသမီးများ ကာကွယ်မှုဆိုင်ရာ ၀န်ခံမှုစာချုပ်မည်

22-7-2013

ကရင်အမျိုးသားအစည်းအရုံး(KNU)နှင့် နယူးဇီလန်နိုင်ငံ အခြေစိုက် ကုလသမဂ္ဂမှ ဖွဲ့စည်း ထားသော Geneva Call အဖွဲ့ချုပ် တို့သည် ကလေးစစ်သားနှင့် အမျိုးသမီး၊ ကလေးကာ ကွယ်ရေးဆိုင်ရာ ၀န်ခံမှု သန္ဓိဌာန် ပြု စာချွန်လွှာနှစ်ခုကို လာမည့် ဇူလိုင် လ ၂၁ရက်နေ့တွင် ဖားအံမြို့၌ လက်မှတ်ရေးထိုး စာချုပ်သွားမည်ဟု ကေအိုင်စီက စုံစမ်းသိရှိရသည်။

ယင်း သန္ဓိဌာန်ပြု ၀န်ခံမှုစာချွန်လွှာနှစ်ခုမှာ လက်နက်ကိုင်ပဋိပက္ခများကြောင့် သက်ရောက်မှု များ ခံစားရသော ကလေးသူငယ် များအား ကာကွယ်ရေးဆိုင်ရာနှင့် ပဋိပက္ခအခြေအနေတွင် လိင်မှုဆိုင်ရာ အကြမ်းဖက်မှုများကို ပိတ်ပင်တားမြစ်ခြင်းနှင့် လိင်ကွဲ ပြားမှုအပေါ် ခွဲခြားဖိနှိပ် ဆက်ဆံမှုများ အဆုံးသတ်ရေးဆိုင်ရာ သန္ဓိဌာန်ပြု ၀န်ခံမှု စာချွန်လွှာများဖြစ်ကြောင်း ကေအဲန် ယူ နိုင်ငံ ခြားရေးဌာနတာဝန်ခံ ပဒိုစောအောင်ဝင်းရွှေက ပြောသည်။

ပဒိုစောအောင်ဝင်းရွှေက “ကျနော်တို့(ကေအဲန်ယူ)အနေနဲ့ ကလေးစစ်သား အသုံးမပြုတော့တဲ့ အကြောင်းရယ်၊ နောက်ပြီး အမျိုးသမီးနဲ့ ကလေးငယ်တွေကို ကျနော်တို့ အကာအကွယ်ပေးသွား မယ် ဆိုတဲ့အကြောင်းကို လက်မှတ်သွားထိုးဖို့ ဖြစ်တယ်။” ဟု ကေအိုင်စီသို့ ပြောသည်။

၎င်းလက်မှတ်ရေးထိုးစာချုပ်ရန် ကေအဲန်ယူ အထွေထွေ အတွင်းရေးမှူးပဒိုစောကွယ်ထူးဝင်း၊ ကေ အဲန်ယူစစ်ဦးစီးချုပ်ဗိုလ်ချုပ်ကြီးဂျော်နီနှင့် ကေအဲန်ယူ နိုင်ငံခြားရေးဝန်ကြီးပဒိုစောအောင်ဝင်းရွှေ တို့ ဦးဆောင်သော ကေအဲန်ယူကိုယ်စားလှယ်အဖွဲ့သည်ဇူလိုင်လ၂၀ရက်နေ့မနက်တွင် မြ၀တီမြို့ မှ စတင်ထွက်ခွာမည်ဟု ကေအဲန်ယူဘက်က ပြောဆိုသည်။

ကေအဲန်ယူ၏ စစ်တပ် ကေအဲန်အယ်လ်အေအတွင်း ကလေးစစ်သားအသုံးပြုမှု ပပျောက်ရေးနှင့် ပတ်သက်၍ ပြီးခဲ့သည့် နှစ်အ နည်းငယ်က ယခင် ကေအဲန်ယူခေါင်းဆောင်များ ကြိုးပမ်းအား ထုတ်မှုရှိခဲ့ရာ ၎င်းကို အကောင်အထည်ဖော်သည့်အနေဖြင့် ယခု ကဲ့သို့ သွားရောက်၍ လက် မှတ်ရေးထိုးခြင်းဖြစ်သည်ဟု ပဒိုစောအောင်ဝင်းရွှေက ဖြည့်စွက်ပြောဆိုသည်။

ကေအဲန်ယူ၏ ပေါ်လစီထဲတွင် ကလေးစစ်သားအသုံးပြုမှုမရှိကြောင်း၂၀၀၃ခုနှစ်ကထုတ်ပြန်ကြေ ညာထားသော်လည်း အချို့ ပြည်ပနိုင်ငံများ၊ အစိုးရမဟုတ်သော အဖွဲ့အစည်းများနှင့် မီဒီယာ အချို့က ကေအဲန်ယူ အဖွဲ့အစည်းတွင်ကလေးစစ်သားအသုံးပြု နေဆဲဖြစ်ကြောင်းထုတ်ဖော်ရေး သားခဲ့မှုများ ရှိခဲ့သည်။ သို့သော် ယခုကဲ့သို့ လက်မှတ်လိုက်ခြင်းအားဖြင့် ကေအဲန်ယူမှ အမျိုး သမီးနှင့် ကလေးများကို အပြည့်အ၀ အကာအကွယ်ပေးနေကြောင်းကို နိုင်ငံတကာ အသိုင်း အ ၀ိုင်းက လက်ခံသွားနိုင်မည်ဟု ပဒိုစောအောင်ဝင်းရွှေက ပြောသည်။

ဖားအံမြို့တွင် ပြုလုပ်မည့် အဆိုပါ လက်မှတ်ထိုးပွဲသို့ ပဒိုစောကွယ်ထူးဝင်းဦးဆောင်သည့် ကေအဲန်ယူအဖွဲ့၊ Geneva Call အဖွဲ့မှ အကြီးအကဲများဖြစ်ကြသော (Rascal Bongard, Jonathan Somer, Reno Meyer and Christopher Rush) တက်ရောက်ကြ မည်ဖြစ်ပြီး ကရင်ပြည်နယ် ၀န်ကြီးချုပ် ဦးဇော်မင်း၊ ပြည်ထောင်စု ငြိမ်းချမ်းရေး ဖော်ဆောင်ရေး လုပ် ငန်းကော်မတီ ဒုဥက္ကဌ ဦး အောင်မင်းနှင့် အစိုးရတာဝန်ရှိသူများကိုလည်း ဖိတ်ကြားထားသည် ဟု ကေအဲန်ယူဘက်က ပြောသည်။

၎င်းသန္ဓိဌာန်ပြု ၀န်ခံမှု စာချွန်လွှာများကို Geneva Call အဖွဲ့အစည်း၏ တာဝန်ရှိသူ အကြီးအကဲ များနှင့် ကေအဲန်ယူ အထွေထွေ အတွင်းရေးမှူးချုပ်ပဒိုစောကွယ်ထူးဝင်းနှင့်စစ်ဦးစီးချုပ်ဗိုလ်ချုပ် ကြီးဂျော်နီတို့က ကရင်ပြည်နယ်၊ ဖားအံမြို့၊ ဇွဲကပင်ဟိုတယ်၌ လက်မှတ်ရေးထိုးသွားကြ  မည်ဖြစ်ပြီး အခြားသော တိုင်းရင်းသားအဖွဲ့အစည်းများနှင့် လူထုအခြေပြု အဖွဲ့အစည်းများကို လည်း တက်ရောက်နိုင်ရန် ဖိတ်ကြားသွားမည်ဟု သိရသည်။

KIC (Karen Information Center)