ကော့ကရိတ်မြို့နယ်ရှိ သစ်တောများကို ဒီကေဘီအေ အကွက်ချရောင်းနေ

8-8-2013

ကရင်ပြည်နယ်၊ ကော့ကရိတ်မြို့နယ်၊ ဝေါ်လေကျေးရွာအုပ်စုရှိ ပွယ်ကေ့ဒေသတွင်သစ်တောများ ကို ဒီမိုကရေစီအကျိုးပြုကရင်အမျိုးသားတပ်မတော်(ဒီကေဘီအေ)က မေလပိုင်းမှစ၍ယခုအချိန် ထိ အကွက်ချကာ ရောင်းချလျှက်ရှိသည်ဟု ဒေသခံများက ပြောဆိုသည်။

အမည်မဖော်လိုသူ ဒေသခံရွာသားတစ်ဦးက “ဒီပွယ်ကေ့တောက သစ်တွေကို ဒီကေဘီအေကသစ် ၀ယ်သူဌေးတွေကို အကွက် ချပြီး ရောင်း တာပါ။ သုံးလေးလ ကြာလာပြီးဆိုတော့ သစ်တွေက လည်း တော်တော်ကုန်လာပြီ။ ကျနော်တို့ ရွာသားတွေ မကြိုက်ပေမယ့် မပြောရဲတော့ ဒီအတိုင်း ကြည့်နေရတယ်”ဟု ကေအိုင်စီသို့ ပြောသည်။

ယင်းသို့ သစ်တောများကို အကွက်ချပြီး ရောင်းချနေသူများမှာ ဒီကေဘီအေ ကလို့ထူးဘော လက်အောက်ခံ တပ်ရင်းများဖြစ် သည့် (၉၀၈)တပ်ရင်းမှဒုဗိုလ်မှူးကြီးမောင်ရွှေဝါ့၊(၉၀၉)တပ်ရင်း မှ ဒုဗိုလ်မှူးကြီးစောအဲ့ဖိုးတို့က အဓိက လုပ်ဆောင်လျှက်ရှိကြပြီး ဝေါ်လေကျေးရွာအုပ်စုရှိ ပွယ်ကေ့တောအတွင်းရှိ သစ်များကို ရောင်းချနေခြင်းဖြစ်ကြောင်း သိရသည်။

ထို့အပြင် ယင်းဒီကေဘီအေ ခေါင်းဆောင်များသည် ပွယ်ကေ့တောရှိ သစ်များကို အကျယ်အ၀န်း အပေါ် မူတည်၍ အကွက်ချ ရောင်းရာတွင် တစ်ကွက်လျှင် ထိုင်းဘတ်ငွေ ၁၀သိန်းမှ သိန်း ၂၀အ ထိသတ်မှတ်ပြီး မြ၀တီမြို့အနီး ဝှေ့ရှမ်းရွာရှိသစ်ဝယ်သူဌေးများထံ ရောင်းချပေးနေခြင်းဖြစ်သည် ဟု သိရသည်။

ထိုကိစ္စနှင့် ပတ်သက်၍ အတည်ပြုနိုင်ရန် ဒီကေဘီအေ တာဝန်ရှိသူများထံ မေးမြန်းရန်ဆက်သွယ် ရာ ဖုန်းလိုင်းအခက်အခဲ ကြောင့် ဆက်သွယ်မှုကို မရရှိခဲ့ပေ။

ပွယ်ကေ့တောထဲရှိ ကျွန်းပင်၊ ပျဉ်းကတုံး၊ ပိတောက်၊ ကညင်ပင်၊ အင်ပင်၊ အင်ကြင်းပင်၊ ကြံပင် အပါအ၀င်စသည့်အခြားသစ်မာအမျိုးအစားများကိုအဆိုပါဒီကေဘီအေက ရောင်းချနေခြင်းဖြစ်ပြီး ခုတ်လှဲထားသည့်သစ်များကို နွားများဖြင့် သတ်မှတ်ထား သည့် သစ်ကွင်းများသို့ သယ်ဆောင် ကာ ထိုမှတဆင့်ကားကြီးများဖြင့် မြ၀တီသို့ထပ်မံသယ်ဆောင်နေသည်ဟု ဒေသခံများက ပြောဆို သည်။

ဝေါ်လေကျေးရွာအုပ်စု၊ ပွယ်ကေ့တောအတွင်းရှိသစ်များကိုယခုလိုခုတ်ထွင်ရောင်းချခြင်းကြောင့် သစ်တော ပြုန်းတီးမှုဖြစ်ပွား စေသလို ကျေးရွာဒေသခံများအတွက် အမဲလိုက်ခြင်း၊ဟင်းသီးဟင်း ရွက် ရှာထွက်ခြင်းနှင့် အဆောက်အဦး ဆောက်လုပ်ရန် လိုအပ်သည့် သစ်၊ ၀ါး ခုတ်ယူသုံးစွဲခြင်း အခက်အခဲများနှင့် ရင်ဆိုင်ကြုံတွေ့နေရသည်။

ယခုလို သစ်များ ခုတ်လှဲရောင်းချခံရသည့် ယခု ဝေါ်လေကျေးရွာအုပ်စုတွင် ချူကလီး၊ ထီးသဲ လယ်၊ အို့ဖိုးထာ့၊ လဲ့ကဝေါ်၊ မော ခီး၊ မောဖိုး ကလိုး၊ ကွီးချဲဖော၊ ကနဲလေး၊ လားတို၊ ကော်ဆဲ၊ ကလော်ဝေါ်၊ ဖောဘုလာ့ထာ့၊ ခေါဖိုးခီး၊ ဘီးလားလေး၊ ပနာ့ထာ့၊ ထီးကပလဲ့၊ တနောထာ့နှင့် တာအုထာ့ စသည့်ကျေးရွာများ တည်ရှိသည်။

KIC (Karen Information Center)