4.11.2013
ကချင်ပြည်နယ် မြစ်ကြီးနားမြို့မှာ တိုင်းရင်းသားလက်နက်ကိုင်အဖွဲ့ ၁၇ ဖွဲ့နဲ့ အစိုးရ ပြည်ထောင်စုအဆင့် ငြိမ်းချမ်းရေးဖေါ်ဆောင်ရေး လုပ်ငန်းကော်မတီတို့ ဒီနေ့ ဆွေးနွေးပွဲ ပထမနေ့ကျင်းပစဉ် တိုင်းရင်းသားတွေဘက်က တင်ပြခဲ့တာပါ။
ဒီနိုဝင်ဘာလအတွင်းမှာ တစ်နိုင်ငံလုံးအတိုင်းအတာ အပစ်ခတ်ရပ်စဲရေး လက်မှတ်ရေးထိုးပွဲ မဖြစ်နိုင်ကြောင်း တိုင်းရင်းသားလက်နက်ကိုင်အဖွဲ့ ၁၇ ဖွဲ့ကို ကိုယ်စားပြုဆွေးနွေးခဲ့တဲ့ ညှိနှိုင်းရေးအဖွဲ့ခေါင်းဆောင် နိုင်ဟံသာက ပြောပါတယ်။
ဒီနေ့ဆွေးနွေးပွဲ တက်ရောက်ခဲ့တဲ့ ကာကွယ်ရေးဝန်ကြီးဌာန စစ်ဆင်ရေးအထူးအဖွဲ့မှူး ဒုတိယဗိုလ်ချုပ်ကြီး မြင့်စိုးကလည်း နိုဝင်ဘာလအတွင်း တစ်နိုင်ငံလုံးအတိုင်းအတာ အပစ်ခတ်ရပ်စဲရေး လက်မှတ်ရေးထိုးပွဲ မဖြစ်နိုင်သေးဘူးလို့ ပြောလိုက်သလို ဖက်ဒရယ်ပြည်ထောင်စု တပ်မတော် တည်ထောင်ရေးဆိုတာ တောင်းဆိုလို့မရဘူးလို့ သတင်းထောက်တွေကို ပြောခဲ့ပါတယ်။
မနက်ဖြန်ဆွေးနွေးပွဲမှာတော့ အစိုးရဖက်ကတင်ပြမယ့်အချက်တွေကို ဆက်လက်ဆွေးနွေးမယ်လို့ သိရပါတယ်။
RFA Burmese
No comments:
Post a Comment