13.2.2014
ဒါဟာ နှစ်ဘက်ကြားမှာ ဖက်ဒရယ် အရေးနဲ့ ပတ်သက်လို့ မသိမသာ ကွဲလွဲနေတာ ဖြစ်တယ်လို့ အစိုးရနဲ့ ငြိမ်းချမ်းရေး ဆွေးနွေးနေတဲ့ တိုင်းရင်းသားအဖွဲ့ NCCT National Ceasefire Coordination Team က ဦးနိုင်ဟံသာက ပြောပါတယ်။
၆၇ နှစ်မြောက် ပြည်ထောင်စုနေ့ ပြည်ထောင်စုနေ့ အခမ်းအနားအတွက် သမ္မတ ဦးသိန်းစိန်က ပေးပို့တဲ့ သဝဏ်လွှာထဲမှာ ပြည်ထောင်စု စိတ်ဓာတ်နဲ့ ဒီမိုကရေစီနိုင်ငံ တည်ဆောက်ရာမှာ ကြိုးပမ်း ဆောင်ရွက်ကြဖို့ တိုင်းရင်းသားတွေကို တိုက်တွန်းထားပါတယ်။
အစိုးရက ပြောနေတဲ့ ဖက်ဒရယ်ပြည်ထောင်စု ဆိုတာ ဘာရယ်လို့ အတိအကျ မသိရသေးပေမယ့် တိုင်းရင်းသားတွေဘက်က လိုလားတဲ့ ဖက်ဒရယ်ပြည်ထောင်စု ဆိုတာက လူမျိုးအပေါ် အခြေခံတဲ့ ပြည်နယ်တွေနဲ့ စုပေါင်းထားတဲ့ ပြည်ထောင်စုကို ဆိုလိုတာလို့ ဦးနိုင်ဟံသာက ပြောပါတယ်။
အစိုးရဘက်က လောလောဆယ် ၂၀၀၈ ဖွဲ့စည်းပုံ အခြေခံဥပဒေ အရ ပြည်နယ် ၇ ခု တိုင်း ၇ ခုနဲ့ ဖွဲ့စည်းထားပြီး ဗမာပြည်နယ် မရှိဘူး၊ ဗမာကလည်း တိုင်းရင်းသား တစ်မျိုးပဲမို့ ပြည်နယ်တစ်ခု အနေနဲ့ ထည့်သွင်းစေချင်တယ်လို့ ဦးနိုင်ဟံသာက ပြောပါတယ်။
အာဏာခွဲဝေမှုမှာလည်း ဗဟို အစိုးရက ချုပ်ကိုင်မှု များနေပြီး ပြည်နယ်တွေမှာ လုပ်ကိုင်ခွင့် နည်းလွန်းတယ်လို့ ဆိုပါတယ်။
ဒါ့အပြင် တိုင်းရင်းသား ဒေသတွေမှာ သယံဇာတ ပိုင်ဆိုင်ခွင့်နဲ့ တခြား အခြေခံ အခွင့်အရေးတွေ နည်းပါတယ်၊ ဘာသာစကား၊ စာပေနဲ့ ယဉ်ကျေးမှုတွေ တိုးတက်အောင် လုပ်နိုင်ခွင့် မရှိဘူး လို့လည်း တိုင်းရင်းသားတွေဘက်က ယူဆကြောင်း ဦးနိုင်ဟံသာက ပြောပါတယ်။
BBC
No comments:
Post a Comment