8.2.2014
အဆိုပါ ဈေးဖွင့်ရန် စီစဉ်သည့်နေရာသည် ထိုင်းနိုင်ငံ တာ့ခ် ခရိုင် ဖုတ်ဖရမြို့နယ်နှင့် နယ်နိမိတ် ထိစပ်နေပြီး ဒီမိုကရေစီ အကျိုးပြု ကရင် အမျိုးသား တပ်မတော်(DKBA) ထိန်းချုပ်ဒေသတွင် ဖြစ်သည်။ မြ၀တီမြို့နယ် တောင်ဘက် မိုင် ၅၀ အကွာတွင် တည်ရှိ ကြောင်း သိရသည်။
ဈေးဖွင့်လှစ်နိုင်ရေးအတွက် ဖုတ်ဖရမြို့နယ် အုပ်ချုပ်ရေးမှူးအပါအ၀င် မြန်မာ အစိုးရဘက်မှ တာဝန်ရှိသူများတွေ့ဆုံ၍ စီစဉ် ဆောင် ရွက်နေကြောင်း ဖုတ်ဖရမြို့နယ်ရုံးတွင် တာဝန် ထမ်းဆောင်နေသူ အမျိုးသမီးတဦးက ဧရာဝတီ သို့ ပြောသည်။
ဈေးကို မည်သည့် နိုင်ငံဘက်တွင် ဖွင့်လှစ်မည်ကို ထပ်မံတွေ့ဆုံ ဆွေးနွေးရန် လိုအပ်ပြီး လတ်တလော ထိုင်းဘက်က စီစဉ်ဆောင် ရွက်နေကြောင်း ၎င်းက ဆိုသည်။
“ပြည်သူ လူထု ၀င်ငွေရဖို့ အတွက် မြန်မာ အစိုးရအနေနဲ့ ပူးပေါင်းဆောင်ရွက်မယ်လို့ ယုံကြည်တယ်”ဟု အထက်ပါ ဖုတ်ဖရမြို့နယ် ရုံးမှ အမျိုးသမီးက ပြောဆိုသည်။
နှစ်နိုင်ငံ ဒေသခံ ပြည်သူများ အနေနှင့် ပိတ်ရက်များတွင် ဟင်းသီး ဟင်းရွက် အပါအ၀င် စားသောက်ကုန်ပစ္စည်းများ ထိုဈေးတွင် အပြန်အလှန် ရောင်းချနိုင်ရန် စီစဉ်ထားကြောင်း သိရသည်။
ဖုတ်ဖရမြို့နယ် အုပ်ချုပ်ရေးမှူး အကြီးအကဲက ဈေးဖွင့်လှစ်မည့် ဒေသသည် ယခင်က DKBA စစ်ဦးစီးချုပ် ဗိုလ်ချုပ်ကြီး စောလား ပွယ် (ခေါ်) ဗိုလ်နှုတ်ခမ်းမွေး ဦးဆောင်သည့် အဖွဲ့နှင့် အစိုးရ စစ်တပ်တို့ တိုက်ခိုက်မှုတွေ ရှိခဲ့သော်လည်း လတ်တလော၌ ငြိမ်းချမ်း ရေး ယူထားပြီး ဖြစ်သည်ဟု ပြောကြားကြောင်း ထိုင်းရတ် အင်တာနက် စာမျက်နှာတွင် ဖော်ပြထားသည်။
“DKBA အဖွဲ့က အစိုးရနဲ့ ငြိမ်းချမ်းရေး ယူထားသေးတာပဲ၊ စစ်ပွဲတွေ ဖြစ်တဲ့ နေရာကနေ ဈေးဖွင့်လို့ရမယ် ထင်တယ်”ဟု ဆိုသည်။
ဗိုလ်နှုတ်ခမ်းမွေး ဦးဆောင်သည့် အဆိုပါ DKBA တပ်မဟာ ၅ တပ်ဖွဲ့သည် နယ်ခြားစောင့်တပ် ဖွဲ့စည်းရေးကို လက်မခံဘဲ ရွေးကောက် ပွဲ ကျင်းပနေသည့် ၂၀၁၀ ပြည့် နိုဝင်ဘာ ၇ ရက်နှင့် ၈ ရက်နေ့များမှ စတင်၍ ကရင်ပြည်နယ် အတွင်းရှိ အစိုးရတပ်များကို တိုက်ပွဲများ ဆင်နွှဲနေခြင်း ဖြစ်သည်။
တိုက်ပွဲ ဖြစ်ပွားမှုကြောင့် ဒေသခံ ရွာသားများ ထိုင်းနိုင်ငံ တာ့ခ်ခရိုင် ဖုတ်ဖရမြို့နယ် တဖက်ကမ်းသို့ ထွက်ပြေး တိမ်းရှောင်ခဲ့ရ သည်။
DKBA တပ်ဖွဲ့သည် ကရင်ပြည်နယ် မြ၀တီမြို့နှင့် ကြာအင်းဆိပ်ကြီးမြို့နယ်များတွင
ဧရာဝတီ
No comments:
Post a Comment