June 30, 2014
ရခိုင်ပြည်နယ် ဝန်ကြီးချုပ်အဖြစ် ဗိုလ်ချုပ်မောင်မောင်အုန်းကို ခန့်အပ်တာဝန်ပေးဖို့ ရခိုင်ပြည်နယ်လွှတ်တော်က ကန့်ကွက်သူမရှိ အတည်ပြုလိုက်ပြီ ဖြစ်ပါတယ်။
ဇွန်လ ၃၀ ရက်နေ့မှာ ကျင်းပတဲ့ ရခိုင်ပြည်နယ် လွှတ်တော် အရေးပေါ် အစည်းအဝေးမှာ အခုလို အတည်ပြုလိုက်တာ ဖြစ်တယ်လို့ လွှတ်တော်ကိုယ်စားလှယ် ဦးအောင်မြကျော်က ပြောပါတယ်။ ၂၀၀၈ ခုနှစ် ဖွဲ့စည်းပုံ အခြေခံဥပဒေအရ ကန့်ကွက်ဖို့ မရနိုင်တဲ့အတွက် မကန့်ကွက်ကြတာလို့ သူက ဆိုပါတယ်။
ဗိုလ်ချုပ်မောင်မောင်အုန်း ရခိုင်ပြည်နယ် ဝန်ကြီးချုပ်အဖြစ် ကျမ်းသစ္စာ ကျိန်ဆိုဖို့ လွှတ်တော် ထပ်ခေါ်ဖို့ရှိတယ်။
ရခိုင်ပြည်နယ် ဝန်ကြီးချုပ်အဖြစ် ခန့်အပ် တာဝန်ပေးဖို့ ဗိုလ်ချုပ်မောင်မောင်အုန်းကို နိုင်ငံတော်သမ္မတက ဇွန်လ ၂၅ ရက်နေ့မှာ ကျင်းပတဲ့ ရခိုင်ပြည်နယ်လွှတ်တော် အရေးပေါ် အစည်းအဝေမှာ အဆိုပြုခဲ့တာ ဖြစ်ပါတယ်။
ဗိုလ်ချုပ်မောင်မောင်အုန်းဟာ နယ်စပ်ရေးရာဝန်ကြီးဌာန ဒုတိယဝန်ကြီးအဖြစ် တာဝန်ထမ်းဆောင်ခဲ့ပါတယ်။
ရခိုင်ပြည်နယ် ဝန်ကြီးချုပ်ကို ရခိုင်တိုင်းရင်းသား ခန့်ဖို့၊ ရွေးချယ်တင်မြှောက် ခံရတဲ့ ပြည်နယ်လွှတ်တော် ကိုယ်စားလှယ်တွေကိုပဲ ခန့်ဖို့၊ ကိုယ်စားလှယ်နေရာ အများဆုံး ရထားတဲ့ ရခိုင်အမျိုးသားပါတီ (ANP) က ကိုယ်စား လှယ်တစ်ဦးကို ဝန်ကြီးချုပ်ခန့်သင့်တယ်လို့ ANP က ထုတ်ပြန်ထားပါတယ်။
The Voice Weekly
No comments:
Post a Comment