2.2.2015
ယမန်နေ့ ည ၈ နာရီအချိန်က ဗုံးပေါက်ကွဲမှု ဖြစ်ပွားကြောင်း တိုင်ကြားချက်အရ ပထုန်းဝမ်းမြို့နယ် ရဲစခန်းတာဝန်ရှိသူတွေ အခင်းဖြစ်ပွားရာကို သွားရောက် စစ်ဆေးကြည့်ရှုရာမှာ လူစည်ကားရာ ဆယမ်ပါရာဂွန်ကုန်တိုက်နဲ့ ဆယမ် ကောင်းကင်ရထားဘူတာရုံကြား မီးခိုးတွေ ထွက်နေပြီး လူတွေ ရုတ်ရုတ်သဲသဲ ပြေးလွှားနေတာ တွေ့ရှိရတယ်လို့ တာဝန်ကျ ဒုရဲမှူး ဆနမ်ပေါ်ချွန်းက သတင်းထောက်တွေကို ပြောပါတယ် ။
ရဲတပ်ဖွဲ့က အဲဒီနေရာတ၀ိုက်ကို သွားလာခွင့် ကန့်သတ်လိုက်ပြီး စစ်ဆေးကြည့်ရှု ရာမှာ ထရန်စဖော်မာ အနောက်ဘက်မှာ ချိန်ကိုက်ဗုံး အစအနတွေ တွေ့ရတယ်လို့ ဆိုပါတယ်။
ချိန်ကိုက်ဗုံးမှာ ၂ လုံးရှိပြီး တနေရာနဲ့ တနေရာ ၅ မီတာသာ ကွာခြားကြောင်း၊ ဗုံးကို ဒစ်ဂျစ်တယ် အဝေးထ်ိန်းစနစ်နဲ့ ဖောက်ခွဲတာဖြစ်ပြီး တရားခံကို သိရဖို့ စီစီတီဗွီကင်မရာကနေတဆင့် စစ်ဆေး စုံစမ်းနေဆဲပဲလို့ ရဲတပ်ဖွဲ့တာဝန်ရှိသူက ပြောပါတယ်။
ဗုံးပေါက်မှုကြောင့် အမျိုးသား ၁ ဦး ဒဏ်ရာအနည်းငယ် ရရှိသွားပြီး အခြားပျက်စီးမှု ကြီးကြီးမားမား မရှိဘူးလို့ ပထုန်းဝမ်းရဲစခန်းရဲ့အပြောကို ကိုးကားပြီး မန်နေဂျာအွန်လိုင်းသတင်းမှာ ဖော်ပြပါတယ်။
DVB
No comments:
Post a Comment