2.12.2014
မြန်မာနှစ်ဦးကို ခြောက်ကြိမ်မြောက်အဖြစ် ရမန်ယူဖို့ ဒီဇင်ဘာလ ၂ရက်နေ့မှာ ကော့စမွီတရားရုံးမှာ ရုံးထုတ်ခဲ့တာ ဖြစ်ပါတယ်။
တရားရုံးရဲ့ ဆုံးဖြတ်ချက်ကို စောင့်ကြည့်ပြီးတော့ ထိုင်းရှေ့နေတွေနဲ့ တိုင်ပင်ပြီး အာမခံ လျှောက်ထားရေးကိစ္စတွေကို ဆက်လက် လုပ်ဆောင်မယ်လို့ မြန်မာသံရုံး အထူးစုံစမ်းစစ်ဆေးရေး ကော်မတီရဲ့ ပြောရေးဆိုခွင့်ရှိသူ ဦးထူးချစ်က ပြောဆိုထားပါတယ်။
ထိုင်းနိုင်ငံ ဥပဒေအရဆိုရင် ဖမ်းဆီးခံ မြန်မာနှစ်ဦးကို ၈၄ ရက်ကြာ ထိန်းသိမ်းထားနိုင်ပါတယ်။ နောက်ထပ် တစ်ကြိမ်ပဲ ရမန်ယူဖို့ ရုံးချိန်းထုတ်ခွင့် ရှိတော့မှာ ဖြစ်ပါတယ်။
မြန်မာနှစ်ဦးကို ငါးကြိမ်မြောက်အဖြစ် နောက်ထပ် ၁၂ ရက် ထပ်မံ ထိန်းသိမ်းထားဖို့ ကော့စမွီ တရားရုံးက နိုဝင်ဘာလ ၂၀ ရက်နေ့က ခွင့်ပြုခဲ့ပြီး မြန်မာတစ်ဦးအတွက် အနည်းဆုံး ဘတ်ငါးသိန်းနဲ့ အာမခံ လျှောက်ထားနိုင်တယ်လို့လည်း ခွင့်ပြုခဲ့ပါတယ်။
မြန်မာနှစ်ဦးအတွက် နိုဝင်ဘာလ ၂၆ ရက်နေ့မှာ အာမခံ လျှောက်ထားခဲ့ပေမယ့် နိုင်ငံခြားသားဖြစ်မှု၊ ကြီးလေးတဲ့ ပြစ်ဒဏ်နဲ့ စွဲဆိုခံရမှု၊ ရက်ရက်စက်စက် သတ်ဖြတ်မှု ဖြစ်နေတယ်ဆိုပြီး အာမခံကို တရားရုံးက ပယ်ချခဲ့ပါတယ်။
The Voice Weekly
No comments:
Post a Comment