8.12.2014
ထိုင်းနိုင်ငံရောက် မြန်မာရွှေ့ပြောင်းအလုပ်သမားတွေနဲ့ တိုင်းရင်သား စစ်ပြေး ဒုက္ခ သည်တွေ ကို ဆေးကုသပေးနေတဲ့ မယ်တော်ဆေးခန်း ကို နေ ရာပြောင်းရွှေ့ ဖွင့် လှစ်တော့မယ်လို့ ဒေါက်တာ စင်သီယာမောင်က ပြောပါတယ်။
လက်ရှိ နေရာက ဌားရမ်း လုပ်ကိုင်နေတာ ဖြစ်ပြီး အသစ်ကတော့ ကျန်းမာရေး၊ ပညာရေး လုပ်ငန်းတွေကို ပူးပေါင်း ဆောင်ရွက်နေတဲ့ ထိုင်းနိုင်ငံက ဖောင်ဒေးရှင်း အဖွဲ့အစည်းတခု အမည်နဲ့ ၀ယ်ယူတာဖြစ်တဲ့အတွက် တရားဝင်မှုက ပိုခိုင်မာမာရှိတယ်လို့ ဆိုပါတယ်။
“လုပ်ငန်းပိုင်းဆိုင်ရာတွေမှာလည်း ထိုင်းအစိုးရနဲ့ ဖြစ်စေ၊ ထိုင်းလူထုနဲ့ ဖြစ်စေ ပိုပြီးတော့ ဆက်ဆံတာ အားကောင်းလာမယ်၊ တချိန်တည်းမှာပဲ ပြည်တွင်းထဲမှာ ရှိတဲ့ ကျမတို့ ကျန်းမာရေး အဖွဲ့အစည်းတွေအတွက်လည်း လိုအပ်တဲ့ သင်တန်းတွေကိုလည်း ဆက်လက်ပေးနိုင်မှာ ဖြစ်တယ်လို့ ဆိုပါတယ်။
လက်ရှိနေရာကတော့ ၁၉၈၈-၈၉ ခုနှစ်က အရေးပေါ် ဆေးကုသဖို့ အတွက် တည်ဆောက်ထားတာလို့ ဆိုပါတယ်။
ဒါအပြင် ဒီဇင်ဘာလ ၆ ရက်နေ့မှာ ကျရောက်တဲ့ ဒေါက်တာစင်သီယာမောင်ရဲ့ အသက် ၅၅ နှစ်ပြည့် မွေးနေ့ပွဲ အခမ်းအနားကို မယ်တော်ဆေးခန်းမှာ ကျင်းပနေပါတယ်။
“ပိုပြီးတော့ ရေရှည် လုံခြုံစိတ်ချရတဲ့ ကျန်းမာရေး ပညာရေး စနစ်တွေ ကို ဖော်ဆောင်နိုင်ဖို့ အတွက် ကျမတို့ ဆက်လက်ကြိုးစားသွားမှာ ဖြစ်တယ်။ နယ်စပ်ကို အခြေပြုထားတဲ့ အတွက် တိုင်းရင်းသား ပေါင်းစုံနဲ့ ထိတွေ့ ဆောင်ရွက်ခွင့်ရသလို နိုင်ငံတကာအဖွဲ့အစည်းရော ထိုင်းနဲ့ရော ပူးပေါင်းဆောင်ရွက်ခွင့်ရတဲ အခွင့်အရေးတွေ အများကြီးရှိတဲ့ အတွက် အာဆီယံ လူမှု အသိုင်းအ၀န်း တည်ဆောက်ရာမှာလည်း အထောက်အကူ ဖြစ်မယ်လို့ ယုံကြည်ပါတယ်” လို့ ဒေါက်တာ စင်သီယာမောင်က ပြောပါတယ်။
နယ်စပ်ဒေသတလျှောက် ကျန်းမာရေးနဲ့ပညာရေးတို့ အတွက် လုပ်ဆောင်ပေးနေကြ တဲ့ အစိုးရမဟုတ်တဲ့အဖွဲ့ အစည်းတွေ၊ လူထုအခြေပြုအဖွဲ့ အစည်းတွေနဲ့ အတူ၊ မြန်မာရွှေ့ ပြောင်းကျောင်းသူ၊ကျောင်းသား စုစုပေါင်း ၅၀၀ နီးပါးလောက် ဒီမွေးနေ့ပွဲကို တက်ရောက်ခဲ့ကြပါတယ်။
DVB
No comments:
Post a Comment