လူကုန်ကူးမှုတိုက်ဖျက်ရေးနေ့ အခမ်းအနား အစိုးရနှင့် အရပ်ဘက် အဖွဲ့အစည်း ၁၇ ဖွဲ့ ပူးပေါင်းကျင်းပမည်

13.9.2013

မြန်မာနိုင်ငံ လူကုန်ကူးမှု တိုက်ဖျက်ရေးနေ့ အခမ်းအနားကို ပြည်ထဲရေးဝန်ကြီးဌာန လူကုန်ကူးမှု တားဆီးနှိမ်နင်းရေး တပ်ဖွဲ့နှင့် အရပ်ဘက် လူ့အဖွဲ့အစည်း ၁၇ ဖွဲ့ပူးပေါင်းကာ စက်တင်ဘာလ ၁၃ ရက်နေ့တွင် နေပြည်တော် သင်္ဂဟ ဟိုတယ်ခန်းမ၌ ကျင်းပမည် ဖြစ်ကြောင်း အဆိုပါ အခမ်းအနား ကျင်းပရာတွင် ပါဝင်သော အဖွဲ့အစည်း တစ်ခုဖြစ် သည့် မြန်မာ့စီးပွားစီမံ အမှုဆောင်များအသင်း (MBE) အဖွဲ့မှ ဗဟိုအလုပ်အမှုဆောင် အဖွဲ့ဝင် ဦးညွန့်လှိုင် က ပြော ကြားသည်။

ယခင်နှစ်များတွင် လူကုန်ကူးမှု တိုက်ဖျက်ရေးနေ့ အခမ်းအနားကို ပြည်ထဲရေးဝန်ကြီးဌာနကသာ စီစဉ်ကျင်းပလေ့ရှိပြီး ယခုနှစ်တွင် အရပ်ဘက် လူ့အဖွဲ့အစည်းများနှင့် ပူးပေါင်းကျင်းပခြင်း ဖြစ်ကြောင်း ၎င်းကဆိုသည်။

အဆိုပါ အခမ်းအနားကို YMCA၊ Myanmar Baptist Convension၊ Karen Women Empowerment၊ World Vision Myanmar၊ မြန်မာ စီးပွားစီမံ အမှုဆောင်များအသင်း(MBE) နှင့် Equality Myanmar စသည့်အဖွဲ့များ အပါအဝင် စု စုပေါင်း ၁၇ ဖွဲ့ပူးပေါင်းကျင်းပမည် ဖြစ်ကြောင်း ပြည်ထဲရေး ဝန်ကြီးဌာနထံမှ သိရှိရသည်။

မြန်မာနိုင်ငံ လူကုန်ကူးမှု တိုက်ဖျက်ရေးနေ့ကို လူကုန်ကူးမှု တားဆီးကာကွယ်ရေး ဥပဒေ ပြဋ္ဌာန်းခဲ့သည့် စက်တင် ဘာလ ၁၃ ရက်နေ့အား သတ်မှတ်ခဲ့ခြင်းဖြစ်ပြီး ၂၀၁၂ ခုနှစ်တွင် လူကုန်ကူးမှုပေါင်း ၂၀၀ ကျော် ဖြစ်ပွားခဲ့ကာ တ ရုတ်နိုင် ငံ နယ်စပ်တွင် လူကုန်ကူးမှု အများဆုံး ဖြစ်ပွားခဲ့ကြောင်း လူကုန်ကူးမှု တားဆီးကာကွယ်ရေး ဗဟိုအဖွဲ့၏ အစီရင်ခံစာအရ သိရသည်။

The Voice Weekly