14.8.2014
အယုဒ္ဓယ ခရိုင် ရွှေ့ပြောင်း အလုပ်သမားမှတ်ပုံ တင်ပေးရေး ၀မ်းစတော့ပ် ဆားဗစ်စင်တာက အလုပ်သမား ကျန်းမာရေး စစ်ဆေးသူ ဒေါက်တာ ဒုန်းဖွန်းအဆိုရာချန်း ရဲ့ သတိပေး ပြော ဆိုချက်အပေါ်မှာ ညွှန်ကြားရေးမှူးက သြဂုတ် ၁၂ ရက်နေ့မှာ ထပ်မံထောက်ခံပြောဆိုလိုက်တာဖြစ်ပါတယ်။
အယုဒ္ဓယဆေးရုံကြီးရဲ့ လက်ထောက်ဆေးရုံအုပ် ဒေါက်တာ ဒုန်းဖွန်းအဆိုရာချန်းက တင်ပြပြောဆိုရာမှာ ထိုင်းလူမျိုးရဲ့ ရင်သွေးငယ်တွေကို နိုင်ငံခြား ကလေးထိန်းတွေလက်ထဲ အပ်တာဟာ ကလေးတွေရဲ့ အမူအကျင့်၊ နေထိုင်စားသောက်ပုံတွေ ထိုင်းလူမျိုးရဲ့ ၀ိသေသလက္ခဏာကို ပျောက်ကွယ်စေတဲ့အပြင် စကားပြောမပီသတာ၊ လေယူလေသိမ်းဝဲတာတွေ ဖြစ်စေတယ်လို့ ဆိုပါတယ်။
ထိုင်းနိုင်ငံမှာ ရွှေ့ပြောင်း အလုပ်သမားတွေအတွက် မှတ်ပုံတင်တာတွေ လက်ရှိ လုပ်ပေးနေတဲ့အတွက် နိုင်ငံခြား အလုပ်သမားဦးရေ တိုးများလာပြီး ကလေးထိန်း အလုပ်တွေမှာပါ ၀င်ရောက်လုပ်ကိုင်လာမှာ စိုးရိမ်မကင်းဖြစ်လို့ ဒီကိစ္စကို ကြပ်မတ်ပေးဖို့ သြဂုတ်လ ၆ ရက်နေ့က ထိုင်းအမျိုးသား ငြိမ်းချမ်းရေးနဲ့လုံခြုံရေးကောင်စီကို တင်ပြခဲ့တယ်လို့ သတင်းမှာ ဖော်ပြပါတယ်။
အလုပ်သမားညွှန်ချုပ်ကလည်း ထိုင်းနိုင်ငံမှာ မွေးစကလေးကနေ အသက် ၅ နှစ်ရွယ်ကြား ကလေးငယ်တွေကို နိုင်ငံခြားရွှေ့ပြောင်းအလုပ်သမားအိမ်ဖော်တွေနဲ့ ထိန်းကျောင်းတာတွေ မလုပ်ဖို့ အလုပ်သမားဥပဒေမှာ သတ်မှတ်ထားပေမယ့် ပြောင်းလဲလာတဲ့ ထိုင်းလူနေမှုစရိုက်မှာ မိဘတွေက ပြင်ပမှာ အလုပ်ရှာထွက်ရသလို၊ ရွှေ့ပြောင်း အလုပ်သမားအိမ်ဖော်တွေ ငှားရမ်းပြီး ကလေးကို ထိန်းကျောင်းခိုင်းကြတဲ့အတွက် ဒီဥပဒေအတိုင်း လိုက်နာဖို့ ထပ်မံကြပ်မတ်ရမယ်လို့ သတင်းထောက်တွေကို ပြောသွားပါတယ်။
DVB
No comments:
Post a Comment