21.8.2014
ကေအဲန်ယူ ဖားအံခရိုင် ဥက္ကဌ ပဒိုစောအောင်မော်အေးက “အိမ်ရာက ဆောက်ပြီးပေမယ့်လို့ ရေ၊ မီး၊ လမ်း၊ လုပ်ကိုင်စား သောက်ဖို့ နေရာပေါ့နော်။ အဲဒါတွေ အဆင်သင့် မဖြစ်သေးတဲ့အတွက် နေရာချထားပေးဖို့က လောလောဆယ် အခြေအနေမှာ မဖြစ်နိုင်သေးဘူး”ဟု ကေအိုင်စီသို့ ပြောသည်။
လက်ရှိ ဆောက်လုပ်နေသော အိမ်ယာတွင် မြေကွက်အကျယ်ပေ ၂၀၀-၁၀၀ အကျယ်အ၀န်းပေါ်တွင် သွပ်မိုး ပျဉ်ထောင်အိမ်အ မျိုးအစား ဆောက်လုပ်ပေးနေခြင်းဖြစ်ပြီး မြေနေရာအကျယ်အ၀န်းမှာ အနည်းငယ် ကျဉ်းကြပ်နေသည့်အတွက် အဆင်ပြေနိုင် ရန် ဆက်လက် စီစဉ်သွားရမည်ဦးမည်ဖြစ်ကြောင်းလည်း ပဒိုစောအောင်မော်အေးက ပြောသည်။
ကေအဲန်ယူ တပ်မဟာ(၇)မှ ဦးဆောင်၍ ယခုနှစ် ဧပြီလ ၁ရက်နေ့က စတင်ဆောက်လုပ်ခဲ့သည့် မော်ဖိုးကေရှိ အိမ်ယာအလုံး ၅၀မှာ ဇူလိုင်လ ၁၅ရက်နေ့က ပြီးစီးသွားခဲ့သော်လည်း မဲ့တရိရှိ အိမ်ယာ ၅၀လုံးကိုမူ ယခု သြဂုတ်လကုန်တွင် အပြီးသတ် ဆောက်လုပ်သွားပြီး နေထိုင်မည့်သူများအတွက် ပြည့်စုံအောင် ဆက်လက် ဆောင်ရွက်သွားမည်ဟု သိရသည်။
ထို့အပြင် အိမ်ရာပြီးစီးသွားပါက နေရာချရေးအစီအစဉ်အတွက် ဖွဲ့စည်းထားသည့် ကော်မတီမှ အဖွဲ့ဝင်တစ်ဦးဖြစ်သူ ဗိုလ်မှူးကြီး စောဖောဒိုက “အိမ်ရာဆောက်ပြီးပြီဆိုရင်တော့ နေချင်တဲ့သူတွေက များတယ်လေ။ တကယ့် IDP (ပြည်တွင်းဌာနေမဲ့ဒုက္ခ သည်) အစစ်အမှန်လား။ အဲဒါတွေကို စိစစ်ပြီးမှ နေသင့်နေထိုက်တဲ့သူတွေကို နေရာချထားပေးမှာပါ”ဟု ကေအိုင်စီသို့ ပြော သည်။
ယခု ဆောက်လုပ်နေသော အိမ်ရာများကို တိုက်ပွဲဖြစ်ပွားမှုများကြောင့် တောထဲတွင် စစ်ပြေးရှောင်အဖြစ် အိမ်ယာမဲ့၊ မြေယာမဲ့ အခြေအနေမဲ့ ရွှေ့ပြောင်းရသူများနေထိုင်ရန်သာ စီစဉ်ဆောက်လုပ်ပေးထားခြင်းဖြစ်ကြောင်း ကေအဲန်ယူ တပ်မဟာ(၇)က ပြော ဆိုထားသည်။
ကေအိုင်စီ
No comments:
Post a Comment