14.8.2014
ရန်ကုန်မြို့၊ ကမာရွတ်မြို့နယ်၊ ပြည်လမ်း၊ ယုဒဿန် ခန်းမ၌ သြဂုတ်လ ၁၃ ရက်နေ့တွင် ပြုလုပ်သည့် ကရင်တိုင်းရင်းသားခေါင်းဆောင်များနှင့် လူမှုအဖွဲ့အစည်းများ ငြိမ်းချမ်းရေးဖြစ်စဉ် နှီးနှောဖလှယ်ပွဲကို ကျင်းပနေစဉ်။
KNU ခေါင်းဆောင်များနှင့် လူငယ်အရပ်ဘက် အဖွဲ့အစည်းများနှင့် ရန်ကုန်မြို့ ပြည်လမ်းပေါ်ရှိ ယုဒဿန်ခန်းမတွင် ငြိမ်းချမ်းရေးဖြစ်စဉ်များအပေါ် နှီးနှောဖလှယ်ပွဲ၌ KNU ဗဟိုကော်မတီဝင် ဖဒိုစောသမိန်ထွန်းက ပြောကြားလိုက်ခြင်း ဖြစ်သည်။
“အစိုးရအနေနဲ့ တစ်ထစ်ချင်း လျော့နေတဲ့အချိန်မှာ လူထုလှုပ်ရှားမှုအားက များသွားရင်လည်း မကောင်းဘူး နည်းရင်လည်း မကောင်းဘူး။ တစ်ထစ်ချင်း တိုးဖို့လိုတယ်”ဟု ၎င်းက ပြောသည်။
ယင်းတွေ့ဆုံပွဲသို့ အရပ်ဘက်အဖွဲ့အစည်း ၅၄ ဖွဲ့ တက်ရောက်ခဲ့ပြီး လက်နက်ကိုင်တိုင်းရင်းသားခေါင်းဆောင်များနှင့် လူထုအခြေပြုအဖွဲ့အစည်းများ၏ ပထမဆုံးအကြိမ် တွေ့ဆုံမှုလည်းဖြစ်သည်။
ကရင်လူငယ်အဖွဲ့မှ ကိုအောင်ကျော်မျိုးက “အစိုးရက တစ်ဆင့်ချင်းလျှော့ပေးတယ်ဆိုရင် ကျွန်တော်တို့ဘက်ကလည်း အဲဒီတစ်ဆင့်ချင်းကို အသေအချာချည်နှောင်နိုင်ဖို့ လိုတယ်။ ပြတ်သားဖို့ လိုတယ်။ ဒါကိုလည်း ငြိမ်းချမ်းရေး ဆွေးနွေးသူတွေက အသုံးချနိုင်ဖို့လိုတယ်”ဟု ပြောခဲ့သည်။
Mizzima - News in Burmese
ဓာတ်ပုံ - ကေအိုင်စီ
No comments:
Post a Comment