address
ဒေါနမြေနေ့စဉ်သတင်းဌာနသို့ စာမူများ ပေးပို့လိုပါက
( dawnamyay2013@gmail.com )
သို့ပေးပို့နိုင်ပါသည်
Thursday, September 5, 2013
ဒေါ်နော်အုန်းလှ အစာငတ်ခံဆန္ဒပြဟု သတင်းများထွက်ပေါ်
5.9.2013
မုံရွာထောင်တွင် အလုပ်နှင့် ထောင်ဒဏ်နှစ်နှစ်ကျခံနေရသူ ဒေါ်နော်အုန်းလှသည် အစာငတ်ခံ ဆန္ဒပြလျက်ရှိ သည်ဟု မုံရွာအကျဉ်း ထောင်နှင့်နီးစပ်သည့် သတင်းရပ်ကွက်က ဆိုသည်။
ပြီးခဲ့သည့် သြဂုတ်လ ၂၉ ရက်တွင် ပုဒ်မ ၅၀၅ (ခ) ဖြင့် ထောင်ဒဏ်ချမှတ်ခြင်း ခံခဲ့ရပြီးနောက် ဒေါ်နော်အုန်းလှ အစာငတ်ခံ ဆန္ဒပြနေခြင်းဖြစ်သည်ဟု သတင်းရပ်ကွက်ကဆိုသည်။ သို့သော် ထိုသတင်းကို မဇ္ဈိမက သီးခြား အ တည်ပြုချက်ရယူနိုင် ခြင်းမရှိပါ။
အစာငတ်ခံဆန္ဒပြမှုအတွက် ထောင်ဆရာဝန်ဒေါက်တာမျိုးမင်းက ကျန်းမာရေး အခြေအနေစောင့်ကြပ်ပေးလျက်ရှိပြီ
း စိုးရိမ်ဖွယ်ရာမရှိဟု သိရသည်။
ဒေါ်နော်အုန်းလှသည် ဒေသခံ ၁၅၀ ခန့်ကို ဦးဆောင်ကာသြဂုတ် ၁၃ ရက်က မုံရွာမြို့ပေါ်တွင် ကြေးနီ စီမံကိန်း ရပ် ဆိုင်းရေး၊ အခြေခံဥပဒေပြင်ပေးရေး၊ ကြေးနီစီမံ ကိန်းဆန္ဒပြသူများကို အကြမ်းဖက်နှိမ်နင်းခဲ့သည့် ရဲများအား အရေး ယူပေးရေးစသည်တို့ကို တောင်းဆိုဆန္ဒပြခဲ့သည်။
ယင်းနောက် မုံရွာအမှတ် (၁) ရဲစခန်းက ပြစ်မှုပုဒ်မ ၅၀၅ (ခ) ဖြင့် တရားစွဲဆိုခဲ့ပြီး မုံရွာမြို့နယ်တရားသူကြီး ဦးခင်မောင်ဝင်းမှ ဒေါ်နော်အုန်းလှအား အလုပ်နှင့်ထောင်ဒဏ် နှစ်နှစ်ကျခံစေရန် အမိန့်ချခဲ့သည်။
ဒေါ်နော်အုန်းလှ အစာငတ်ခံ ဆန္ဒပြခြင်းနှင့်ပတ်သက်၍ မုံရွာအကျဉ်းထောင်သို့ မဇ္ဈိမက ဆက်သွယ်မေးမြန်း ရာတွင် တာဝန်ကျ ၀န်ထမ်းတစ်ဦးက ဖြေကြားခွင့်မရှိဟုဆိုသည်။ ဒေါ်နော်အုန်းလှ၏ ရှေ့နေဖြစ်သူ ဦးရောဘတ်စန်းအောင်ကို ဆက်သွယ်မေးမြန်းရာတွင် အဆက်အသွယ်မရရှိသေးဟု မဇ္ဈိမကို ပြောသည်။
Mizzima
No comments:
Post a Comment
Newer Post
Older Post
Home
Subscribe to:
Post Comments (Atom)
No comments:
Post a Comment