23.4.2014
သန်းခေါင်စာရင်း ကောက်ယူစဉ်ကာလကတည်းက KIA မှ ပယင်းမှော်သို့ အစိုးရ၀န်ထမ်းများ သန်းခေါင်စာရင်း လာရောက် မကောက်ယူနိုင်ရန် နည်းလမ်းအမျိုးမျိုးဖြင့် ခြိမ်းခြောက်တားမြစ် မှုများ ပြုလုပ်ပြီး မှော်သူမှော်သား များကိုလည်း နှင်ထုတ်မှုများ ပြုလုပ်ခဲ့သည်။
`` အဲဒီအချိန်ကတည်းက ကျွန်တော်တို့က မှော်ထဲမှာ ဆက်မလုပ်တော့ပဲ ပြန်လာခဲ့ကြတာပါ၊ ဟိုတစ်နေ့က လူသစ် ဆွဲတာ (၃၀)လောက်ပါသွားတယ် ပြောတယ်၊ သူတို့က ဆက်ကြေးလည်းကောက် တယ်၊ဆက်ကြေး ပေးထားတဲ့ မှော်လုပ်သားတွေကိုလည်း လူသစ်လုပ်ဖို့ အတင်းဖမ်းတယ်၊ အနိုင်ကျင့်လွန်းတယ်လို့ပဲ မြင်တယ်´´ ဟု တနိုင်းမြို့ခံ ကိုကျလောက ပြောသည်။
KIA အဖွဲ့မှ အစိုးရစစ်ကြောင်းများနှင့် ဧပြီလဆန်းပိုင်းတွင် တိုက်ပွဲများ ဖြစ်ပွားခဲ့ပြီး ယခုကဲ့သို့ လူသစ် စုဆောင်းမှုများကို ဆက်တိုက်ပြုလုပ်လာခြင်းကြောင့် ဒေသခံတိုင်းရင်းသားများလည်း စိုးရိမ်ထိတ်လန့်နေကြရ ကြောင်း မန်စီမြို့ခံတစ်ဦးက ဆိုသည်။
`` ဒီ ချီဖွေမြို့နယ်ထဲမှာလည်း လူသစ်ဆွဲခံရတာ ရာကျော်သွားပြီလို့ ကြားတယ်၊ ဇန်နောင်ယန်ကျေးရွာမှာ ဆိုရင် နေ့ခင်းကြောင်တောင် အတင်းဝင်ဆွဲသွားတယ်လို့ ပြောတယ်၊မန်တုံရွာနားက ရွှေမှော်တွေမှာလည်း အတင်းအဓမ္မ လိုက်ဖမ်းနေလို့ ထွက်ပြေးလာကြတယ်လို့ သိရတယ်။
အခုတလော KIA အဖွဲ့က လူသစ် စုဆောင်းတာတွေ ဆိုးဆိုး ၀ါးဝါးပြုလုပ်လာလို့ အားလုံးစိုးရိမ်ထိတ်လန့်နေကြတာေ ပါ့ ´´ ဟု ချီဖွေမြို့ခံ ကိုလနွန်ဂျာက ပြောသည်။
ပယင်းမှော်တွင် KIA မှ အတင်းအကြပ် ဖမ်းဆီးခေါ်ဆောင်သွားသူများမှာ ဒေသခံ ကချင်/ရှမ်း/လီဆူ တိုင်းရင်းသား (၅၀) ဦးခန့်ရှိကြောင်းနှင့် ၎င်းမှော်မှတစ်ဆင့် ကောင်ဂျာဘက်သို့ ဖမ်းဆီးခေါ်ဆောင်သွားပြီး စစ်သင်တန်းတက်ခိုင်းရန်ဖြစ် ကြောင်း အဆိုပါ မှော်မှ လုပ်ငန်းရှင်တစ်ဦးက ပြောကြားသွားပါသည်။
ကေကေ(တနိုင်း)
No comments:
Post a Comment