ဆီးဂိမ်းဖွင့်ပွဲတွင် ခြင်းလုံးသရုပ်ပြဖျော်ဖြေရန် ဖားအံမြို့ရှိ အမွှာညီအစ်ကို ၂ဦး ရွေးချယ်ခံရ

16-8-2013

နေပြည်တော်၌ ပြုလုပ်မည့် ၂၇ကြိမ်မြောက် အရှေ့တောင်အာရှ အားကစားပြိုင်ပွဲ(ဆီးဂိမ်း) ဖွင့်ပွဲအခမ်း အနားတွင် မြန်မာ့ရိုးရာ ခြင်းလုံးအလှသရုပ်ပြ ဖျော်ဖြေတင်ဆက်ရန်အတွက် ကရင်ပြည်နယ် ဖားအံမြို့ ရှိ အမွှာညီအစ်ကို ကလေးငယ် ၂ဦးကို မြန်မာ နိုင်ငံ ခြင်းလုံးအဖွဲ့ချုပ်က ရွေးချယ်လိုက်သည်ဟု သိရ သည်။

ဖားအံမြို့၊အမှတ်(၂)ရပ်ကွက် မြေတံတားလမ်းတွင် နေထိုင်သောအသက်၁၁နှစ်အရွယ် ဇေကိုကိုရှိုင်းနှင့်   ဇေညီညီရှိုင်းတို့ အမွှာညီအစ်ကိုနှစ်ဦးကို ဇူလိုင် ၂၀ရက်နေ့က ရွေးချယ်လိုက်ခြင်းဖြစ်သည်ဟု ရန်ကုန် မြို့ရှိ မြန်မာနိုင်ငံခြင်းလုံးအဖွဲ့ချုပ်၏ ခြင်းလုံးနည်းပြဆရာ ဦးလှဌေးက ကေအိုင်စီသို့ ပြောသည်။

ဦးလှဌေးက “ဆီးဂိမ်းဖွင့်ပွဲအခမ်းအနားမှာ ထည့်သွင်းမယ့် ဖျော်ဖြေတင်ဆက်မှုတွေထဲမှာ မြန်မာ့ရိုး ရာ ခြင်းလုံးအလှသရုပ်ပြ ကွက်ဟာ တစ်ခုအပါအ၀င်ပါ။ ဒါကို ဘယ်ကလေးက ကစားနိုင်မလဲ၊ လေ့ လာတဲ့အခါ ဒီကလေးတွေကို တွေ့တယ်။ ဒီလို သူတို့ နှစ်ယောက်ကို ရွေးရတာဟာလည်းသူတို့ဟာ ခြင်း လုံးကို ခြေက မကျစတမ်း အကြိမ်တစ်သောင်းမက ကစားနိုင်သူတွေ ဖြစ် တယ်”ဟု ပြောဆိုသည်။

ဆီးဂိမ်းဖွင့်ပွဲအခမ်းအနားအတွက် ပါဝင်ဖျော်ဖြေရန် ရွေးချယ်ခံရခြင်းနှင့် ပတ်သက်၍ ဇေကိုကိုရှိုင်းက “ရွေးချယ်ခံရတာ စပြီး ကြားတော့ ပျော်သွားတာပဲ။ နေပြည်တော်အထိ သွားရမယ်။ ဆီးဂိမ်းဖွင့်ပွဲ ဆိုတော့ သွားရမှာကို တခါမှ မမျှော်လင့်မိဘူး”ဟု ကေအိုင်စီသို့ ပြောသည်။

ဖွင့်ပွဲအခမ်းအနား၌ ဖျော်ဖြေမှုတင်ဆက်သည့်အခါ ခြင်းလုံးကစားမည့် ကလေးများသည် တန်းစီ၍ ကွင်းထဲသို့ မဆင်းမီ မြန်မာ့ ခြင်းလုံးဟု ကြွေးကြော်ပြီး မြန်မာ့ရိုးရာတီးလုံးဖြင့် ခြင်းလုံးကို ဟန်ချက် ညီညီ အလှသရုပ်ပြ ကစားသွားကြရမည်ဟု ခြင်းလုံး နည်းပြဆရာ ဦးလှဌေးက ပြောသည်။

မြန်မာနိုင်ငံ၌ ကျင်းပမည့် ၂၇ကြိမ်မြောက် ဆီးဂိမ်းပြိုင်ပွဲတွင် အားကစားနည်း ၃၃မျိုးဖြင့် ပြိုင်ပွဲဝင်ရန် လက်ရှိစာရင်းပေးထား ချက်အရ မြန်မာ အပါအဝင် အာဆီယံ ၁၀နိုင်ငံနှင့် အရှေ့တီမောနိုင်ငံမှ ကစား သမားပေါင်း ၅,၇၂၇ဦး ယှဉ်ပြိုင်မည်ဖြစ်သော် လည်း မြန်မာ့ခြင်းလုံးအားကစားနည်းမှာ သရုပ်ပြအဖြစ် သာ ပါဝင်မည်ဖြစ်ကြောင်း သိရသည်။

ဆီးဂိမ်းအားကစားပြိုင်ပွဲကို ယခုနှစ် ဒီဇင်ဘာလ ၁၁ရက်မှ ၂၂ရက်နေ့အထိ နေပြည်တော်တွင် ကျင်း ပပြုလုပ်သွားမည်ဖြစ်ပြီး မြန်မာနိုင်ငံခြင်းလုံး အဖွဲ့ချုပ်မှ အမျိုးသား ၁၆၂ဦးနှင့် အမျိုးသမီး ၆၀ဦး၊ စု စုပေါင်း၂၂၂ဦးဖြင့်ပါဝင်ဖျော်ဖြေတင်ဆက်သွားမည်ဟုအဆိုပါခြင်းလုံးနည်းပြဆရာက ဖြည့်စွက်ပြောဆို သည်။

မြန်မာနိုင်ငံတွင် ဆီးဂိမ်းအားကစားပြိုင်ပွဲကို ၁၉၆၁ခုနှစ်က ပထမအကြိမ်၊ ၁၉၆၉ခုနှစ်က ဒုတိယအကြိမ် ကျင်းပခွင့်ရခဲ့ပြီးနောက် ယခု ၄၄နှစ်အကြာမှသာ တတိယအကြိမ်မြောက် ဆက်လက် ကျင်းပခြင်း ဖြစ် သည်။

KIC (Karen Information Center)