ယာဉ်အန္တရာယ် ဖြစ်ပွားမှု လျှော့ချရာတွင် အထောက်အကူ ဖြစ်စေရန် ယာဉ်မောင်းလိုင်စင် ထုတ်ပေးမှုကို ပိုမိုစိစစ်ခြင်း အဖြစ် “ခ” လိုင်စင် (ကိုယ်ပိုင်ယာဉ်မောင်းလိုင်စင်) မှ “ဃ” လိုင်စင်
(အငှားယာဉ်မောင်းလိုင်စင်) သို့ ပြောင်းလဲလျှင် လိုင်စင်စာမေးပွဲ ထပ်မံဖြေဆိုရမည် ဖြစ်ကြောင်း ကုန်းလမ်းပို့ဆောင်ရေး ညွှန်ကြားမှုဦးစီးဌာနထံမှ သိရသည်။
အဆိုပါလိုင်စင် စစ်ဆေးခြင်းကို မေလ ၁ ရက်နေ့မှ စတင်ခြင်းဖြစ်ပြီး ကုန်းလမ်းပို့ဆောင်ရေး ညွှန်ကြားမှုဦးစီးဌာန၏ စစ်ဆေးမှုများအတိုင်း ဖြေဆိုရမည် ဖြစ်ကြောင်း အဆိုပါဌာနထံမှ သိရသည်။
“စာမေးပွဲ ထပ်မဖြေဘဲ လိုင်စင် ထုတ်မပေးတော့ပါဘူး” ဟု အဆိုပါဌာန အကြီးတန်း အရာရှိတစ်ဦးက ပြောကြားသည်။
ယခင်က “ခ” လိုင်စင်မှ “ဃ” လိုင်စင် ပြောင်းလဲပါက စာမေးပွဲဖြေဆိုရန် မလိုကြောင်း ယာဉ်မောင်းများက ပြောဆိုသည်။
“ကျွန်တော်တို့တုန်းကတော့ မဖြေခဲ့ရပါဘူး။ လိုင်စင်လဲရုံပါပဲ။ “ခ” ကနေ “င” ပြောင်းရင်တော့ ဖြေရတယ်” ဟု “င” လိုင်စင် (လိုင်စင်အနီ) ကိုင်ဆောင်ထားသူ ယာဉ်မောင်း ဦးဝင်းမြင့်က ဆိုသည်။
လိုင်စင် ထပ်မံဖြေဆိုရာတွင် နိုင်ငံတကာ၌ စစ်ဆေးလျက်ရှိသည့် စိတ်အခြေအနေ ပုံမှန်ရှိမရှိ၊ အရက်သောက်သုံးမှုနှင့် အမြင်အာရုံ စစ်ဆေးမှုတို့ ပါဝင်ပြီး ယာဉ်အန္တရာယ်ဖြစ်ပွားမှု လျှော့ချရန်ဖြစ်ကြောင်း ကုန်းလမ်းပို့ဆောင်ရေး ညွှန်ကြားမှုဦးစီးဌာနထံမှ သိရသည်။
The Voice
No comments:
Post a Comment