18.2.2014
ရှမ်းတိုင်းရင်းသားတွေ တပ်သားသစ်စုဆောင်းခံရတဲ့ကိစ္စ၊ ဆက်ကြေးကောက်ခံရတဲ့ကိစ္စ အပါအ၀င် အချက် ၄ ချက်ကို အိတ်ဖွင့်ပေးစာထဲမှာ ရေးသားတောင်းဆိုထားတယ်လို့ ရှမ်းမျိုးနွယ်စုရေးရာ အဖွဲ့ခေါင်းဆောင် ဦးစိုင်းထိန်လင်းက ပြောပါတယ်။
“ကချင်လက်နက်ကိုင်တပ်ဖွဲ့နဲ့ အစိုးရ လက်နက်ကိုင်တပ်ဖွဲ့ ပဋိပက္ခကြားမှာ အပြစ်မဲ့တဲ့ ရှမ်းပြည်သူတွေ ခံစားနေရတဲ့ အခြေအနေကို ကမ္ဘာ့ကုလသမဂ္ဂအနေနဲ့ရော နိုင်ငံတော် အစိုးရအနေနဲ့လည်း သိရှိပြီးတော့မှ ညီညွှတ်မျှတတဲ့ လူ့အဖွဲ့အစည်း ပေါ်ပေါက်ရေးအတွက် တင်ပြတာပဲဖြစ်ပါတယ်၊ ကျနော်တို့ ရှမ်းမျိုးနွယ်စုရေးရာအဖွဲ့က တင်ပြပေမယ့်လည်း တကယ်တမ်းပြောမယ်ဆိုလို့ရှိရင် ကျနော်တို့တင်ပြချက်က လူတိုင်းနဲ့သက်ဆိုင်တဲ့အချက် ဖြစ်ပါတယ်”
ကေအိုင်အေတပ်ဖွဲ့တွေက တပ်သားသစ်အဖြစ် စုဆောင်းသွားခဲ့တဲ့ ရှမ်းတိုင်းရင်းသားတွေကို ပြန်လွှတ်ပေးဖို့ ပြီးခဲ့တဲ့နှစ် ဒီဇင်ဘာလ ၂၀ ရက်နေ့က ဆန္ဒပြတောင်းဆိုခဲ့ရာမှာ ကေအိုင်အေက ပြန်လွှတ်ပေးလိုက်သူ တစ်ချို့ရှိပေမဲ့လည်း အဖမ်းခံထားရသူတွေ ကျန်နေသေးတယ်လို့ သိရပါတယ်။ အဲဒီ ကျန်နေတဲ့ ရှမ်းတိုင်းရင်းသားတွေ လွတ်မြောက်ရေးကိစ္စနဲ့ပတ်သက်ပြီး မြစ်ကြီးနားမြို့အခြေစိုက် ကေအိုင်အိုနည်းပညာ အကြံပေးအလုပ်အဖွဲ့ တာဝန်ရှိသူတွေနဲ့ တွေ့ဆုံဆွေးနွေးဖို့ ဆန္ဒရှိကြောင်းကိုလည်း အိတ်ဖွင့်ပေးစာထဲမှာ ရေးသားထားကြောင်း သိရပါတယ်။
မစ္စတာကင်တားနားဟာ သူ့ရဲ့ကချင်ပြည်နယ်ခရီးစဉ်အတွင်း ဖေဖော်ဝါရီလ ၁၆ ရက်၊ မနေ့က ကချင်လွတ်မြောက်ရေးအဖွဲ့ KIO အခြေစိုက်တဲ့ လိုင်ဇာမြို့တ၀ိုက်က ကချင်စစ်ဘေး ဒုက္ခသည်စခန်းတွေကို သွားရောက်လေ့လာခဲ့ပါတယ်။
RFA
No comments:
Post a Comment