သီတဂူ အထောက်အကူပြု အဖွဲ့နှင့် MAI လေကြောင်းလိုင်းတို့၏
ပူးပေါင်းစီစဉ်မှုဖြင့် အဆိုပါ မြန်မာအလုပ်သမား ၁၇၆ ဦးသည် စက်တင်ဘာ ၂၄ ရက်၊
မွန်းလွဲ ၄ နာရီခန့်က စင်လုံးငှား လေယာဉ်ဖြင့် ထပ်မံရောက်ရှိ
ခဲ့ခြင်းဖြစ်ကြောင်း သိရသည်။
''ဆရာတော်ကြီးက အခုပြန်လာတဲ့
ဒုက္ခရောက်သူတွေကို ကိုယ်တိုင်ပဲလာပြီး ကြိုဆိုခဲ့ပါတယ်။ Camp တွေထဲက
မပါဘူး။ အပြင်က လူတွေပါ'' ဟု သီတဂူအဖွဲ့မှ ဘဏ္ဍာရေးမှူး တာဝန်ယူထားသူက
ပြောကြားသည်။
အဆိုပါ ရောက်ရှိလာသူများအနက် ကလေး ၉ ဦးနှင့် ၀ှီးချဲဖြင့် ခြေထောက် ဒဏ်ရာရရှိနေသူ ၁ ဦးတို့ ပါဝင်ကြောင်း သိရသည်။
''ကျွန်တော်သွားတာ ငါးလပဲ ရှိပါသေးတယ်။ အလုပ်လုပ်ရင်း ခြေထောက်
ကျိုးသွားလို့ ဆေးရုံတက်ပြီး ပြန်ဆင်းတော့ သီတဂူဆရာကြီးရဲ့ လှူဒါန်းမှုနဲ့
မြန်မာနိုင်ငံကို ပြန်လာနိုင်ခဲ့တယ်။ ဆောက်လုပ်ရေးမှာ ၀ရိန်ဆော်တဲ့
အလုပ်လုပ်ပါတယ်။ ကျွန်တော်က ဆေးရုံတက်နေတော့ တရားမ၀င်တဲ့ သူတွေကို
ဖမ်းတဲ့စီမံချက်ကို သိပ်မသိဘူး။ ၀မ်းနည်းတယ်၊ ကိုယ့်မိသားစု အတွက်
ဘာမှမလုပ်ပေး နိုင်တဲ့အတွက် စိတ်လည်း မကောင်းဘူး'' ဟု ခြေကျိုးဒဏ်ရာဖြင့်
မလေးရှားနိုင်ငံမှ ပြန်လည်ရောက်ရှိလာသူ ကျောက်တန်းမြို့နယ်မှ
ကိုဇော်မင်းထွန်းက ပြောကြားသည်။
မလေးရှားနိုင်ငံတွင် စက်တာဘာ ၁
ရက်မှ စတင်ကာ တရားမ၀င် အလုပ်သမားများအား အထူးစီမံချက်ဖြင့် တရားမ၀င်
နေထိုင်သူများ အများဆုံး နေထိုင်ရာ ကွာလာလမ်ပူ၊ ဆီလန်ဂေါ၊ ပီနန်းနှင့်
ဂျိုးဟိုး မြို့များတွင် ပိုက်စိပ်တိုက် ဖမ်းဆီးခဲ့ပြီး အဆိုပါ
စီမံချက်တွင် မြန်မာနိုင်ငံ အပါအ၀င် နိုင်ငံ ၁၆ နိုင်ငံမှ တရားမ၀င်
နေထိုင်သူများကို ဖမ်းဆီးမှုများ ပြုလုပ်ခဲ့ကြောင်း သိရသည်။
ထို့ပြင် လာမည့် နိုဝင်ဘာ အတွင်းတွင် မလေးရှားနိုင်ငံရှိ ထောင်များတွင်
ရှိနေသော မြန်မာနိုင်ငံသားများကို ပြန်လည်ခေါ်ယူနိုင်ရန် စီစဉ်လျက်
ရှိကြောင်း သီတဂူ အဖွဲ့မှ အတွင်းရေးမှူး ဦးမြင့်အောင်က ပြောကြားခဲ့သည်။
Eleven Media Group
No comments:
Post a Comment