လက်နက်ကိုင်အဖွဲ့များမှာ လှေများဖြင့် ၀င်ရောက်လာခြင်းဖြစ်ပြီး သတင်း
အရစောင့်ဆိုင်းစဉ် လုံခြုံရေးအဖွဲ့နှင့် ထိပ်တိုက်ရင်ဆိုင်မှု
ဖြစ်ပွားခဲ့ကြောင်း လည်း သိရသည်။ ဖြစ်စဉ်မှာ အောက်တိုဘာ ၁၂ ရက်၊ နံနက် ၁
နာရီ ၁၀ မိနစ်ခန့်တွင် လုံထိန်းရဲတပ်ဖွဲ့များ ကင်းလှည့်နေစဉ် မောင်တောမြို့
နယ် မြောက် ပိုင်း ရေတွင်းကျွန်းနှင့် ခြံပြင်ကျေးရွာချောင်းမှ တစ် ဆင့်
လှေဖြင့် ၀င်ရောက်လာသူများအား တွေ့ရှိသဖြင့် ရပ်တန့်ရန် ပြောရာ မရပ်တန့်၍
သေနတ်မိုးပေါ်ထောင်ပစ်ခတ်ရာ ယင်းလက်နက်ကိုင် ငါးအဖွဲ့မှာ
ထွက်ပြေးသွားခဲ့ကြောင်း တရားခံအား ဖမ်းဆီးရမိမှုမရှိသော် လည်း လက်လုပ်သေနတ်
အတိုတစ်လက်၊ အရှည်တစ်လက်ကို ဖမ်းဆီးရမိခဲ့ကြောင်း ရခိုင်ပြည်
နယ်ရဲတပ်ဖွဲ့မှ သတင်းရရှိသည်။
ချောင်းအား သွယ်တန်းထားသော
ဦးရှည်ကျတံတားပေါ်မှ လုံခြုံရေးရဲများနှင့် သတင်းပေးများ ကင်းပုန်းဝပ်
စောင့်ဆိုင်းနေစဉ် ရဲတစ်ဦးက ဓာတ်မီးဖြင့် ထိုးလိုက်ရာ
လက်နက်ကိုင်များဘက်မှလည်း ဓာတ်မီးဖြင့် ပြန်လည်ထိုး ခဲ့ကြောင်းနှင့်
ရဲများက သေနတ်ဖြင့်ပစ်ခတ်သဖြင့် လက်နက်ကိုင်ငါးဦး မှာ
ချောင်းတစ်ဖက်တစ်ချက်၌ရှိသော ဓနိတောထဲ ၀င်ရောက် သွားကြောင်း ဒေသခံများထံမှ
သိရသည်။
လုံခြုံရေးများမှရှာဖွေခဲ့ရာ လှေတစ်စီးနှင့်အတူ
သေနတ်ရှည်တစ်လက်၊ သေနတ်တို တစ်လက်၊ ဓားရှည်တစ်ချောင်း၊ တူရွင်း
(တစ်ဖက်ချွန် တစ်ဖက်ပြား) တစ်ချောင်း၊ တိပ်ခွေ၊ သွပ်နန်းကြိုးနှင့်
အ၀တ်အထည်များကို ဖမ်းဆီး ရရှိခဲ့ကြောင်း သိရသည်။ယင်းလက်နက်ကိုင်အဖွဲ့များမှာ
ဘင်္ဂ လားဒေ့ရ်ှနိုင်ငံ အခြေစိုက်များဖြစ်ဖွယ်ရှိပြီး
မောင်တောမြို့နယ်အတွင်းသို့ အလွယ်တကူ ၀င်ရောက်ကာ
ဓားပြတိုက်မှုများကျူးလွန်ပြီး ဘင်္ဂလားဒေ့ရ်ှဘက်သို့ ကူးကာ
ရှောင်တိမ်းနေခြင်းဖြစ်၍ တရားခံဖမ်းဆီးရရှိမှုမှာ ခက်ခဲနေခြင်းဖြစ်ကြောင်း
ဒေသခံများထံမှ သိရသည်။
လက်ရှိတွင် မောင်တောနယ်စပ် ကျေးရွာများအား
ဓားပြ၀င်တိုက်မှု များ ဖြစ်ပေါ်နေ ပြီး လုံခြုံရေးအတွက် ရွာသားများ နေ့စဉ်
ကင်းစောင့်နေရကြောင်း သိရသည်။"အသေးစိတ်တော့ သတင်း ထုတ်ပြန် ခွင့်
မရှိပါဘူး။ လုံခြုံရေး အနေအထားကတော့ ရှိတာနဲ့ လုံအောင်ထိန်း ထားပါတယ်။
ဓားပြမှုဖြစ်တာတွေမှာလည်း ဖမ်းဆီးရမိတာတွေ ရှိပါတယ်"ဟု မောင်တောခရိုင်
ရဲတပ်ဖွဲ့မှူးက ပြောကြားသည်။
ဓားပြအဖွဲ့ဟု ယူဆရသော လက်နက်ကိုင်အဖွဲ့
သည် မောင်တောမြို့ နယ်မြောက်ပိုင်း ငခူရနယ်မြေ၊ ရေတင်ကျွန်းကျေးရွာ၊
ရွက်ညိုးတောင်နှင့် ငန်းချောင်းကျေးရွာသို့ ဓားပြများ
ဝင်ရောက်ခဲ့ကြောင်းလည်း သိရသည်။ မောင်တော နယ်စပ်ဒေသအတွင်း ဓားပြတိုက်မှု
များပြားလာပြီး ငန်းချောင်း ကျေးရွာအုပ်စု သုံးအိမ်စုရွာရှိ နေအိမ်ကို
ဓားပြ ၁၅ ဦးခန့်က လက်နက်များ ကိုင်ဆောင်ကာ ၀င်ရောက်
ဓားပြတိုက်ခဲ့ခြင်းဖြစ်ပြီး ဓားပြမှုနှင့် ပတ်သက်၍
တိုင်ကြားခံရသူနှစ်ဦးနှင့် ကွင်းဆက်သံသယရှိသူ ငါးဦးကို
မောင်တောမြို့မရဲစခန်းမှ စစ်ဆေးနေကြောင်း သတင်းရရှိသည်။ စက်တင်ဘာလဆန်း
ပိုင်းတွင် မောင်တောမြို့နယ်၊ ကြိမ်ချောင်းတိုက်နယ်၊ ဖော်ကီတောင်ကျေးရွာ၊
လှိုင်သီ ကျေးရွာနှင့် ကျွန်းပေါက်ပြုစု ကျေးရွာများတွင်လည်း
ဓားပြတိုက်ခံခဲ့ရကြောင်း သိရသည်။
Eleven Media Group
No comments:
Post a Comment