မွန်ပြည်နယ်မှ လိုင်စင်မဲ့ကား ၁၅၀ လေလံတင်မည်

26.1. 2015

မွန်ပြည်နယ်အတွင်း ဖမ်းဆီးရမိသည့် လိုင်စင်မဲ့ကားအစီးရေ (၂၀၀)ကျော်ရှိသည့်အနက် တရားရုံးများမှ စီရင်ချက်ချပြီးသည့် လိုင်စင်မဲ့ကား (၁၅၀)စီးကို ကားအရည်အသွေးအပေါ် မူတည်၍ ကြမ်းခင်းဈေး သတ်မှတ်ပြီး လာမည့် ဖေဖေါ်ဝါရီလအတွင်း ဒုတိယအကြိမ်လေလံစနစ်ဖြင့် ရောင်းချမည်ဟု မွန်ပြည်နယ် အစိုးရအဖွဲ့ထံမှ သိရသည်။

“အခု ဒီကားတွေကို လေလံပစ်မယ်။ ၀ယ်တဲ့လူတွေက စက်နှိုးခွင့်မရှိ ဘူး၊မျက်မြင် အနေအထားနဲ့ပဲဝယ်ရမယ်၊ အင်ဂျင်၊ ဘော်ဒီတွေကိုလည်း သတ်မှတ်တဲ့နှစ်ရောက်မှ လဲလှယ်လို့ရမယ်၊ ဒီကားတွေကိုအိမ်စီးသုံးတဲ့လူတွေ ဈေးသက်သက်သာသာနဲ့ရသွားမှာပါ၊ ကြမ်းခင်းဈေးကို အတတ်နိုင်ဆုံးလျှော့ ပေါ့ထားမယ်”ဟု မွန်ပြည်နယ် ဘဏ္ဍာရေးဝန်ကြီး ဒေါက်တာခင်မောင်သွင်က ပြောကြားသည်။

ယခင်နှစ်များကအဆိုပါလိုင်စင်မဲ့ကားများကိုလေလံစနစ်ဖြင့်ရောင်းချရာတွင် ကားအသစ်ဖြင့် လဲလှယ် တင်သွင်းနိုင်သည့် ကားစလစ်များ ထုတ်ပေးသဖြင့် လိုင်စင်မဲ့ကားဝယ်ယူသူများသည် ကားတင်သွင်းခွင့် စလစ်ဖြင့် ကားအသစ် တင်သွင်းပါက နိုင်ငံတော်သို့ပေးအပ်ရသည့် အခွန်ခမှာ (၆၀)ရာခိုင်နှုန်းသက်သာသဖြင့် ကားလေလံဆွဲသူများပြားကြောင်း သိရှိရသည်။

“အစိုးရကလေလံပစ်မယ့် ကားကို စလစ်ထုတ်ပေးမယ်။ ပြန်အပ်လဲရ တယ်၊မအပ်လဲရတယ်တဲ့။ ဒါပေမယ့် အခွန်သက်သာ ခွင့်မရတော့ ဘူး၊ဒီ လိုအခွန်သက်သာခွင့်မရတော့ရင် ဒီကားတွေကို လေလံဆွဲမယ့် လူနည်း သွားလိမ့်မယ်၊ ကျွန်တော်တို့ ကားဝယ်ရောင်းသူတွေကတော့ လေလံကြမ်း ခင်းဈေးကိုကြည့်ပြီးမှ ၀ယ်သင့် မ၀ယ်သင့် ဆုံးဖြတ်မှာပါ။”ဟု မော်လမြိုင်မှ ကားဝယ်ရောင်းလုပ်သူကိုမျိုးအောင်က ပြောသည်။

အဆိုပါလေလံပစ်မည့် ကားများသည် ၂၀၁၂ -၂၀၁၃ မော်ဒယ်အမြင့်ကားများဖြစ်ပြီး မွန်ပြည်နယ်တွင် ၂၀၁၃ ခုနှစ် ဒီဇင်ဘာလတွင် ပထမအကြိမ် ကားစီးရေ (၇၇)စီးအား လေလံတင်ရောင်းချနိုင်ခဲ့သဖြင့် နိုင်ငံတော်ဘဏ္ဍာ ငွေကျပ်သိန်းပေါင်း(၈၅၇၅.၁၀၇) ကျပ်သိန်းရရှိပြီး ဖြစ်ရာယခုတွင် ဒုတိယအကြိမ်အဖြစ် လိုင်စင်မဲ့ကား (၁၅၀) စီးလေလံတင်ရောင်းချမှုပြုလုပ်မည်ဖြစ်ပြီး၊ လေလံတင်ရောင်းချရန်ကျန်ရှိသည့် ကား(၆၀)စီးကျော်အားတတိယ အကြိမ်လေလံတင်ရောင်းချနိုင်ရေး ဆောင်ရွက်နေကြောင်းကိုလည်း သိရှိရသည်။

Shwe Myitmakha Media Group