ဒီမိုကရေစီအကျိုးပြု ကရင့်တပ်မတော် (DKBA) နှစ်ပတ်လည်နေ့ ကျင်းပသည့် အခမ်းအနားကို တွေ့ရစဉ်။ (ဓာတ်ပုံ - ဟောင်ဆာ (ရာမည)၊ မဇ္ဈိမ)
28.1.2015
တိုင်းရင်းသား လက်နက်ကိုင် အဖွဲ့များနှင့် ဆက်စပ်လျက်ရှိသော ဒေသများတွင် ဖွံ့ဖြိုးရေးနှင့် စီးပွားရေး လုပ်ငန်းများ လုပ်ဆောင်မည်ဆိုပါက ထိုဒေသရှိ အပစ် အခတ်ရပ်စဲရေး သဘောတူညီထားသည့် အဖွဲ့အစည်းများနှင့် ဆွေးနွေး တိုင် ပင်၍ လုပ်ဆောင်သွားရန် သဘောတူညီထားပါသည်ဟု သမ္မတရုံးဝန်ကြီး ဌာန(၄)၊ ဒုတိယဝန်ကြီး ဦးအောင်သိမ်းက ပြောသည်။
အစိုးရသည် တိုင်းရင်းသား လက်နက်ကိုင်အဖွဲ့အစည်းများနှင့် သဘောတူညီမှု ၃၈ ခုကို လက်မှတ်ရေး ထိုးထားရာတွင် အထက်ပါအချက်လည်း ပါဝင်သည်ဟု ၎င်းက ဇန်နဝါရီ ၂၇ ရက်က ကျင်းပသည့် အမျိုး သားလွှတ်တော်တွင် ပြောကြား ခဲ့ခြင်း ဖြစ်သည်။
ထိုသဘောတူညီချက် ရရှိပြီးသည့် အချိန်မှစ၍ အစိုးရ အဖွဲ့အစည်းများသည် ဆက်စပ်နယ်မြေများတွင် လုပ်ဆောင်မည့် လုပ်ငန်းများအတွက် သက်ဆိုင်ရာ တိုင်းရင်းသားလက်နက်ကိုင် အဖွဲ့အစည်းများနှင့် အစည်းအဝေးများ၊ ညှိနှိုင်း ဆောင်ရွက်ပေးမှုများစွာကို ဆောင်ရွက်ပေးခဲ့သည်ဟု ၎င်းက ဆိုသည်။
၎င်းက ''နောင်ကိုလည်း ညှိနှိုင်းမှုတွေ ဆက်လက်လုပ်ဆောင်သွားမှာ ဖြစ်ပါ တယ်'' ဟု ပြောသည်။
ယခုလက်ရှိအချိန်တွင် သဘောတူညီမှုရရှိရန် ဆောင်ရွက်နေသည့် တစ်နိုင်ငံ လုံး ဆိုင်ရာ ပစ်ခတ်တိုက်ခတ်မှု ရပ်စဲရေး သဘောတူညီချက်တွင်လည်း တိုင်း ရင်းသား လက်နက်ကိုင် အဖွဲ့အစည်းများနှင့် ဆက်စပ်နယ်မြေများတွင် စီးပွား ရေးနှင့် ဖွံ့ဖြိုး ရေးလုပ်ငန်းများ ပြုလုပ်ရန် အစိုးရနှင့် သက်ဆိုင်ရာ တိုင်းရင်း သား လက်နက်ကိုင် အဖွဲ့အစည်းများ ညှိနှိုင်းဆောင်ရွက်မှုများကို ပြုလုပ်ရန်နှင့် ပတ်သက်သည့် အချက်များပါ သည်ဟု ဆိုသည်။
ထိုသဘောတူညီချက်အား လက်မှတ်ရေးထိုးပြီးချိန်တွင် ဖွံ့ဖြိုးရေးနှင့် စီးပွားရေး လုပ်ငန်းများအတွက် ညှိနှိုင်းမှုများကိုပို၍ ထိရောက်စွာ လုပ်ဆောင်သွားနိုင် မည် ဟုလည်း ယုံကြည်ကြောင်း ၎င်းက ဆက်လက်ပြောကြားသည်။
ထို့ပြင် ကုမ္ပဏီလုပ်ငန်းရှင်များက ၎င်းတို့၏ရင်းနှီးမြှုပ်နှံမှုလုပ်ငန်းများကိုဒေသခံ များက ကန့်ကွက်မှုများ ပြုလုပ်စေရန် ဆောင်ရွက်နေသည်ဆိုသော အဖွဲ့အစည်း များ၏ ဆောင်ရွက်ချက်များသည် နစ်နာသည်ဟု ယူဆပါက သက်ဆိုင်ရာတရား ရုံးတွင် ဥပဒေကြောင်းအရ တရားစွဲဆိုနိုင်သော အခွင့်အရေးရှိသည်ဟု ပြော သည်။
ဇန်နဝါရီ ၂၇ ရက်က ကျင်းပသည့် အမျိုးသားလွှတ်တော် အစည်းအဝေးတွင် တနင်္သာရီတိုင်းဒေသကြီး၊ အမှတ် (၁) မဲဆန္ဒနယ် လွှတ်တော်ကိုယ်စားလှယ် ဦးစိုးသက်၏ ရိုးရှင်းသော တိုင်းရင်းသားများ၏ စိတ်ထား ဖြူစင်မှုကို အသုံး ချသော အဖွဲ့အစည်းများကို အရေးယူရန် ရှိပါသလားဟူသော မေးခွန်းကို ဖြေကြားခဲ့ခြင်း ဖြစ်သည်။
Mizzima
No comments:
Post a Comment