20.1.2015
မြ၀တီမြို့မူးယစ်အဖွဲ့မှ ဒုရဲမှူး သိန်းလွင်၊ နယ်ထိန်းအပါအ၀င် အမှတ်(၄) ရပ်ကွက်အုပ်ချုပ်ရေးမှူး၊ ခလရ (၂၇၅) ရှေ့တန်းရုံးမှ ဗိုလ်ကြီးပြည့်ဖြိုးမောင် ပူးပေါင်းအဖွဲ့နှင့် BGF အမှတ် (၁၀၁၉) တပ်ရင်းမှ ဗိုလ်ကြီး စောကျော်ပိုင် နှင့်အဖွဲ့က သတင်းအရ ၀င်ရောက်ရှာဖွေဖမ်းဆီးမိခဲ့ခြင်းဖြစ်သည်ဟု မြ၀တီ ရဲစခန်းမှ အမည်မဖော်လိုသူ ရဲအရာရှိတစ်ဦးက ပြောသည်။
၎င်းက “ကျနော်တို့ ပူးပေါင်းအဖွဲ့တွေက မူးယစ်ဆေးဝါး နှစ်သိန်းကျော်ကို တစ်ရက်တည်းမှာပဲ နှစ်နေရာ ဖမ်းဆီးရမိတာ ဟုတ်ပါတယ်”ဟု ကေအိုင်စီသို့ အတည်ပြုပြောကြားသည်။
ထိုသို့ ဖမ်းဆီးရာတွင် ပူးပေါင်းအဖွဲ့က သတင်းအရ ဇန်န၀ါရီလ ၁၆ ရက်နေ့ ည ၉ နာရီခွဲအချိန်၌ မြ၀တီမြို့ အမှတ်(၄)ရပ်ကွက် နေထိုင်သူ စောဘိုဘိုဆိုသူထံတွင် WY စာတန်းပါ စိတ်ကြွဆေးပြား အလုံးရေ (၁၉၈၈)ပြားကို ရှေးဦးစွာ ဖမ်းဆီးရမိပြီးနောက် နောက်တစ်နေ့ နံနက် ၂ နာရီအချိန်၊ မြ၀တီမြို့ အမှတ်(၄) နေထိုင်သူ စိုင်းဆမ်လင်းဆိုသူထံမှ ဆီစိမ်စက္ကူဖြင့် ပတ်ထားသော အထုပ်(၁၁ဂ)ထုပ်အတွင်းမှ WY စာတန်းပါ စိတ်ကြွဆေးပြား အလုံးရေ ၂၁၅,၀၀၀ ကို ထပ်မံဖမ်းဆီးရခြင်းဖြစ်သည်ဟု မြ၀တီရဲစခန်း၏ စာရင်းအရ သိရသည်။
ထို့အပြင် စိုင်းဆမ်လင်းနေအိမ်မှ မူးယစ်ဆေးဝါးသယ်ယူရာတွင် အသုံးပြုသည့် လိုင်စင်မဲ့ယဉ် နှစ်စီး၊ Wave ဆိုင်ကယ်တစ်စီးနှင့် မူးယစ်ဆေးဝါးရောင်းရငွေ မြန်မာကျပ် (၅၅) သိန်းကို ထပ်မံရှာဖွေသိမ်းဆည်းမိခဲ့ ကြောင်းလည်း သိရသည်။
မြ၀တီမြို့ခံတစ်ဦးဖြစ်သည့် ကိုချမ်းမြေ့အောင်က “အခုမိတာက လက်ကြီးသမားတွေလို့ ပြောလို့ရတယ်။ အများအားဖြင့် တခြားနယ်ကလူတွေက ဒီမှာလာပြီးလုပ်တာများတယ်။ ကိုယ့်ကရင်တွေကလည်း မြိုးမြိုး မြက်မြက်ရမယ့်ဟာဆို အတုမြင် အတတ်သင် လိုက်လုပ်တာပေါ့။ မရှိလေကောင်းလေပဲ များများဖမ်းမိရင် ကောင်းတယ်”ဟု ကေအိုင်စီသို့ ပြောသည်။
ယခု ဖမ်းဆီးရမိမှုမှာ ၂၀၁၅ ခုနှစ် နှစ်ဆန်းပိုင်းအတွင်း ပမာဏအများဆုံး ဖမ်းဆီးရမိခြင်းဖြစ်ပြီး မူယစ်ဆေး ၀ါးများကို တိုးမြှင့်ကာ ဆက်လက်ဖော်ထုတ် ဖမ်းဆီးသွားမည်ဖြစ်သလို ဖမ်းဆီးရမိသူများကို ဥပဒေအရ အရေးယူနိုင်ရန် စီစဉ်ဆောင်ရွက်လျက်ရှိကြောင်း အဆိုပါ အမည်မဖော်လိုသူ မြ၀တီရဲအရာရှိက ပြောသည်။
ကေအိုင်စီ
No comments:
Post a Comment