31.7.2013
ကရင်အမျိုးသားများ၏ စည်းလုံးညီညွတ်ရေးနှင့် စစ်မှန်ခိုင်မြဲသော ငြိမ်းချမ်းရေးတို့ကို ဦးတည်သော တွေ့ဆုံဆွေးနွေးပွဲကို
ဇူလိုင်လ (၃၀) ရက်နေ့နံနက် (၉) နာရီကသထုံမြို့ကျုံးကြီးလမ်း၊ သာသနာ့ဝုဒ္ဓိ စာသင်တိုက်မှာ
ကျင်းပပြုလုပ်ခဲ့ပါတယ်။
သဘာပတိများအဖြစ်မွန်ပြည်နယ်အစိုးရအဖွဲ့ကရင်တိုင်းရင်းသားရေးရာဝန်ကြီးဦးစောအောင်ကျော်သိန်း၊ သထုံမြို့နယ် ပြည်သူ့လွှတ်တော်ကိုယ်စားလှယ် ဦးစောဘသိန်း၊ ဧရာဝတီတိုင်းဒေသကြီး ကရင်ပြည် သူ့ပါတီမှ ပဒိုမန်းထွန်းတင်၊ သထုံမြို့နယ် ကရင်စာပေနှင့်ယဉ်ကျေးမှုအဖွဲ့ ဥက္ကဌ ဦးစောစံတင် တို့ က ဆောင်ရွက်ကြပြီး အခမ်းအနားကို ကရင်အမျိုးသားအလံတော်အား အလေးပြုဖွင့်လှစ်ကာ စန်းရိပ်မြိုင်ဆရာတော် ဦးကောသိတမှ သြ၀ါဒစကားမြွက်ကြားသည်။
ဆက်လက်၍ မွန်ပြည်နယ်အစိုးရအဖွဲ့ဝင် ကရင်တိုင်းရင်းသားရေးရာဝန်ကြီး ဦးစောအောင်ကျော်သိန်း က အမှာစကားပြောကြားပြီး၊ ဧရာဝတီတိုင်းဒေသကြီး ကရင်ပြည်သူ့ပါတီ အလုပ်အမှုဆောင် ပဒိုမန်းထွန်းတင်က ဆွေးနွေးပွဲကျင်းပရခြင်း နှင့်ပါတ်သက်၍လည်းကောင်း၊ ငြိမ်းချမ်းရေးနှင့် လွှတ်တော်အခန်းကဏ္ဍအတွက် သထုံမြို့ ပြည်သူ့လွှတ်တော်ကိုယ်စားလှယ် ဦးစောဘသိန်းက လည်းကောင်း၊ ကရင်အမျိုးသား စည်းလုံးရေးနှင့် ငြိမ်းချမ်းရေးကော်မတီ ဆောင်ရွက်ချက်များကို ကရင်ပြည်သူ့ပါတီက နော်ဆာထူးတို့ကလည်းကောင်းအသီးသီး ရှင်းလင်းပြောကြားသည်။
ဆွေးနွေးပွဲနဲ့ပါတ်သက်ပြီး ကရင်အမျိုးသားစည်းလုံးရေးနှင့် ငြိမ်းချမ်းရေးကော်မတီ အလှည့်ကျ သဘာပတိအဖွဲ့ဝင် မွန်ပြည်နယ်အစိုးရအဖွဲ့ဝင် ကရင်ရေးရာဝန်ကြီး ဦးစောအောင်ကျော်သိန်း ကိုယ်တိုင်ဖိတ်စာနဲ့ကို ကရင်တစ်မျိုးသားတစ်ဦးချင်းစီကို ဖိတ်စာပို့ပြီးဖိတ်တာပါ။ ဖိတ်စာနဲ့အတူ (၁) ကရင်ပြည်သူများအတွက် အပါအ၀င် ပြည်တွင်းငြိမ်းချမ်းမှုဖေါ်ဆောင်ရေး ဖြစ်စဉ်တွင် စစ်မှန်သော ငြိမ်းချမ်းမှုကိုရရှိရန် ကရင်ပြည်နယ်ပြင်ပတွင် နေထိုင်သော ကရင်တိုင်းရင်းသားတစ်ဦးအနေဖြင့်မည်ကဲ့ သို့ တည်တံ့ခိုင်မြဲအောင် ကြံဆောင်မည်နည်း၊ (၂) မွန်ပြည်နယ်တွင် နေထိုင်သော ကရင်အမျိုးသား များအနေဖြင့် အနယ်နယ်အရပ်ရပ်တွင် နေထိုင်သော ကရင်အမျိုးသားများနှင့်စည်းလုံးမှုကို မည်ကဲ့သို့ တည်တံ့ခိုင်မြဲအောင် ကြံဆောင်မည်နည်း၊ (၃) ကရင်စာပေနှင့် ယဉ်ကျေးမှုကို ထိန်းသမ်းရန်အတွက် ကရင်ပြည်နယ်ပြင်ပရှိ ကရင်အမျိုးသားများအနေဖြင့် မည်ကဲ့သို့ အကြံပြုဆောင်ရွက်သင့်သနည်း။ (၄) ကရင်အမျိုးသားများအတွက် အခြားတင်ပြလိုသော အကြောင်းအရာများဆိုပြီး အချက်(၄)ချက်ကို လည်းကြိုတင်ဝေငှပေးတဲ့အတွက် စနစ်တကျလုပ်ဆောင် ထားတဲ့အတွက်ကျေနပ်မှုရှိကြောင်း ဖိတ်ကြားခြင်းခံရတဲ့ သထုံမြို့နေ ဦးစောဝင်းသိန်းက ပြောပါတယ်။
ကရင်အမျိုးသားရေးနဲ့ပါတ်သက်ပြီး ဒီဆွေနွေးပွဲမှာ ကျယ်ကျယ်ပြန့်ပြန့်သိရပါတယ်။ သထုံမှနေတဲ့ ကာလတစ်လျှောက်မှာ ဒီတစ်ကြိမ်ဘဲ တက်ရောက်ခွင့်ရတဲ့အတွက် ၀မ်းသာရကြောင်းကိုလည်း အခမ်း အနားဖြစ်မြောက်ရေးအတွက်ကို တက်တက်ကြွကြွဆောင်ရွက်ပေးနေတဲ့ ကရင်စာပေနှင့် ယဉ်ကျေးမှု အဖွဲ့ဝင် သမီးပျိုတစ်ဦးကလည်းပြောပြပါတယ်။ သထုံမြို့ပေါ်ရှိ ကရင်အမျိုးသားဆရာတော်များ၊ ကရင်နှစ်ခြင်း ခရစ်ယာန်အသင်းတော်မှ သိက္ခာတော်ရဆရာတော်များ၊ သထုံ၊ ပေါင်၊ ဘီးလင်း၊ ကျိုက် ထို များကဖိတ်ကြား ထားသော ကရင်အမျိုးသားများ ၊ သထုံခရိုင် ကေအန်ယူ တပ်မဟာ (၁) ဆက် ဆံရေးရုံးမှ ခရိုင်အတွင်းရေးမှူး ပဒိုစောကိုလေးနဲ့ အဖွဲ့ဝင်များတက်ရောက်ကြပြီး ရန်ကုန်၊ ဧရာဝတီ၊ တနင်္သာရီ တိုင်းဒေသကြီးများနှင့် ကရင်ပြည်နယ်မှ ကရင်အမျိုးသား ၀န်ကြီးများကတော့ သဘာ ၀ဘေးအန္တရာယ် ရေကြီးနစ်မြှပ်မှုများကြောင့် တက်ရောက်နိုင်ခြင်းမရှိကြောင်းသိရှိရပ်တယ်။ အခမ်းအ နားကိုတော့ ကရင်အမျိုးသားသီချင်းကို သံပြိုင်သီဆိုပြီး ရုတ်သိမ်းခဲ့ပါတယ်။
No comments:
Post a Comment