24.7.2013
နိုင်ငံတော်သမ္မတ
ဦးသိန်းစိန်အမိန့်နဲ့ ဒီနေ့ နိုင်ငံရေးအကျဉ်းသား ၇ဝ ကျော်ကို လွတ်မြောက်လာပါ တယ်။ဒီနေ့
ပြန်လည်လွတ်မြောက်လာသူတွေထဲမှာ ပုဒ်မ ၁၇ (၁) မတရား အသင်းဆက်သွယ်မှုနဲ့
ဖမ်းဆီးထိန်းသိမ်းခံထားရသူတွေ အတော်များများပါဝင်ပါတယ်။
ကချင်ပြည်နယ်မှာ ပြန်လည်လွတ်မြောက်လာသူတွေထဲမှလည်း ကေအိုင်အိုနဲ့ ဆက်သွယ်မှုနဲ့ ဖမ်းဆီးခံ ထားရသူ ဂျာမိုင်ကောင် ဒုက္ခသည်စခန်းက ဦးဘရန်ရှောင် အပါအဝင် ၂၆ ဦးရှိတယ်လို့ သိရပါ တယ်။ မြန်မာငြိမ်းချမ်းရေးစင်တာ အကြံပေးအဖွဲ့ဝင်လည်းဖြစ် လက်ကျန်နိုင်ငံရေး အကျဉ်းသား စိစစ်ရေးကော်မတီအဖွဲ့ဝင် ဦးလှမောင်ရွှေက ကချင်ပြည်နယ်မှာ လွှတ်ပေးခဲ့တဲ့ စာရင်းနဲ့ ပတ်သက်ပြီး အခုလိုပြောပါတယ်။
"မြစ်ကြီးနား အကျဉ်းထောင်ကို နိုင်ငံတော်သမ္မတကြီးရုံးရဲ့ ရက်စွဲနဲ့ ရောက်လာတယ်လို့ သိရပါတယ်၊ အဲဒီအထဲမှာ ကချင်ပြည်နယ်ကနေပြီးတော့ စုစုပေါင်း ၃၁ ရောက် စာရင်းပေးပို့တဲ့အထဲက ၂၆ ယောက် ဒီနေ့လွှတ်တဲ့အထဲမှာပါတယ်လို့သိရပါတယ်"
ခုလိုနိုင်ငံရေး အကျဉ်းသားတွေကို အစိုးရက လွှတ်ပေးနေပေမယ့် ပုဒ်မ ၁၈ နဲ့ ဖမ်းဆီးထောင်ချ ခံနေရတာတွေလည်း ရှိနေသေးတာကြောင့် နိုင်ငံရေးအကျဉ်းသားတွေ ဆက်ရှိနေလိမ့်ဦးမယ်လို့ နိုင် ငံရေးအကျဉ်းသားဟောင်းများအဖွဲ့က ဦးတင်မောင်ဦးက ပြောပါတယ်။
"နိုင်ငံရေးအကျဉ်းသား စိစစ်ရေးကော်မတီကနေပြီးတော့ သမ္မတဆီကို တင်ပြထားတာ ၇၂ ယောက် ရှိပါတယ်၊ အဲဒီ ၇၂ ယောက်ထဲမှာ ကျနော်တို့အဖွဲ့က တင်ပြထားတာပေါ့၊ ကျနော်တို့ရယ်၊ AAPP ရယ်၊ ၈၈ မျိုးဆက်ရယ်၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်ရယ် လေးခုပေါင်း ၅၉ ယောက်ပါ၊ ကျနော်တို့ ပြည်တွင်းမှာလည်း ဥပမာ လက်ပံတောင်းကိစ္စနဲ့ ထောင်ကျတာ၊ မန္တလေးမှာ ပုဒ်မ ၁၈ နဲ့ ထောင်ကျတာ၊ ၅ဝ၅(ခ) တွေနဲ့ကျတာတွေ ဒီရက်ပိုင်းတွေမှာ အများကြီးရှိပါတယ်၊ အများကြီးရှိ တဲ့အတွက် နိုင်ငံရေးအကျဉ်းသားတွေ ကုန်သွားဖို့ဆိုတာကတော့ လက်ရှိမှာတော့ မဖြစ်နိုင်သေးဘူးလို့ ပဲကျနော်ကတော့ထင်တယ်”
သမ္မတဦးသိန်းစိန်ရဲ့ ဗြိတိန်နဲ့ ပြင်သစ်နိုင်ငံ ခရီးစဉ်တွေအတွင်း ဒီနှစ်ကုန်ပိုင်းမှာ မြန်မာနိုင်ငံမှာ နိုင် ငံရေး အကျဉ်းသားအားလုံးကို လွှတ်ပေးမယ်လို့ ကတိပေးပြောခဲ့ပါတယ်။
No comments:
Post a Comment