ကလေးများနှင့်အမျိုးသမီးများအပေါ် အကြမ်းဖက်မှုတားမြစ်ရေးကိုပါ Geneva Call နှင့် KNU စာချုပ်ခဲ့

24.7.2013

ဇုလိုင်လ ၂၁ ရက်နေ့တွင် ကရင်အမျိုးသားအစည်းအရုံး(KNU)နှင့် ကုလသမဂ္ဂမှဖွဲ့စည်းထားသော Geneva Call အဖွဲ့ချုပ်တို့သည် လက်နက်ကိုင်ပဋိပက္ခများကြောင့် ကလေးများအပေါ်ထိခိုက်မှုအပြင် အမျိုးသမီးများအပေါ် လိင်ပိုင်းဆိုင်ရာ အကြမ်းဖက်မှု တားမြစ်ခြင်းနှင့် ဖိနှိပ်ဆက်ဆံခြင်းအဆုံးသတ်ရေး သန္ဓိဌာန်ပြုသည့် နားလည်မှု စာချွန်လွှာတစ်ရပ်ကို သဘောတူစာချုပ်ချုပ်ဆိုနိုင်ခဲ့ပါသည်။

ကရင်နီအမျိုးသားတိုးတက်ရေးပါတီ(KNPP)၊ ချင်းအမျိုးသားတပ်ဦး(CNF)၊ မွန်ပြည်သစ်ပါတီ (NMSP)နှင့် သျှမ်းပြည်ပြန်လည် ထူထောင်ရေးကောင်စီသျှမ်းပြည်တပ်မတော်(RCSS/SSA)တို့သည် Geneva Call အဖွဲ့ချုပ်နှင့် လက်နက်ကိုင်ပဋိပက္ခများ ကြောင့် ကလေးများအပေါ် ထိခိုက်သက်ရောက်မှု ဆိုင်ရာ စာချွန်လွှာကို သဘောတူ လက်မှတ်ထိုးခဲ့သော်လည်း KNU အနေဖြင့် ကလေးများအပြင် အမျိုးသမီးအခွင့်အရေးနှင့် ပတ်သက်သည့် စာချွန်လွှာကိုပါ ယခုလို ချုပ်ဆိုနိုင်ခဲ့ခြင်း ဖြစ်သည်။

ယင်းစာချွန်လွှာကို ကရင်ပြည်နယ်၊ ဖားအံမြိုရှိ ဇွဲကပင်ဟိုတယ်တွင် အခမ်းအနားပြုလုပ်ကာ ချုပ်ဆို ခဲ့ခြင်းဖြစ်ပြီး မြန်မာအစိုးရ အဆက်ဆက်နှင့် တိုင်းရင်းသားလက်နက်ကိုင်များအကြား နှစ်ပေါင်း ၆၀ကျော် ဖြစ်ပွားနေသည့် ပဋိပက္ခများအရ စစ်ဘေးဒဏ် အပြင်းအထန် ခံနေရမှုများတွင် အမျိုးသမီး များလည်း အဓိက ခံစားရသူများတွင် ပါဝင်နေသောကြောင့် စာချုပ်ချုပ်ဆိုခဲ့ရခြင်းဖြစ် သည်ဟု KNU အထွေထွေအတွင်းရေးမှူး ပဒိုစောကွယ်ထူးဝင်းက ပြောသည်။

“လက်နက်ကိုင်ပဋိပက္ခကြောင့် စစ်ပွဲတွေထဲမှာ အထူးသဖြင့် ကလေးနဲ့အမျိုးသမီးတွေဟာ အကြောက် တရားနဲ့ ခြိမ်းခြောက်မှု တွေ ခံစားကြုံတွေ့နေရတယ်။ ဒါတွေကို ချုပ်ငြိမ်းဖို့ ကျနော်တို့ KNU ကနေ အခြားအဖွဲ့တွေနဲ့ ပူးပေါင်းဆောင်ရွက်ဖို့ဆိုပြီး Geneva Call နဲ့ လက်မှတ်ထိုးလိုက်တာဖြစ်တယ်”ဟု ပဒိုစောကွယ်ထူးဝင်းက ကေအိုင်စီသို့ ပြောသည်။

KNUသည် အမျိုးသမီးအဖွဲ့များနှင့်လည်း အတူလက်တွဲလုပ်ဆောင်လျှက်ရှိသည့် အဖွဲ့အစည်းဖြစ်သော သာကြောင့် အဖွဲ့၏ကိုယ်စား ယခုလိုလက်မှတ်ထိုးလိုက်ခြင်းသည် အမျိုးသားအပြင် အမျိုးသမီးအတွက် ပါ အကျုံးဝင်ကြောင်း ပဒိုစောကွယ်ထူးဝင်းက ထပ်မံ ပြောဆိုသည်။

ယင်းသန္ဓိဌာန်စာချွန်လွှာ သဘောတူစာချုပ် ချုပ်ဆိုသည့် အခမ်းအနားတွင် KNU ဘက်က အထွေထွေ အတွင်းရေးမှူး ပဒိုစောကွယ်ထူးဝင်း၊ KNLA စစ်ဦးစီးချုပ် ဗိုလ်ချုပ်ကြီးစောဂျော်နီ၊ နိုင်ငံခြားရေးဌာန တာဝန်ခံ ပဒိုအောင်ဝင်းရွှေ၊ စည်းရုံးရေးဌာန တာ ၀န်ခံ ပဒိုစောလှထွန်း၊ ပြည်တွင်းဌာနေမဲ့ ကရင်ဒုက္ခ သည်များဆိုင်ရာ ကော်မတီ ဥက္ကဌ စောစတိဗ်နှင့် Geneva Callဘက်က ဆက်သွယ်ရေးနှင့် ပြည်ပ ဆက်ဆံရေးခေါင်းဆောင် မစ္စတာတီမိုသီကားစတိုင်းယား (Timothy Carstairs)နှင့် အဖွဲ့ဝင် ၃ဦးတို့ တက်ရောက်ခဲ့ကြသည်။ ထို့အပြင် ကရင်ပြည်နယ်ဝန်ကြီးချုပ် ဦးဇော်မင်းနှင့် အစိုးရအဖွဲ့များ၊ အစိုးရ မဟုတ်သောအဖွဲ့ (NGOs) များ၊ ပြည်တွင်းသတင်းထောက်အချို့နှင့် ဖိတ်ကြားထားသည့် ဧည့် သည်တော် စုစုပေါင်း လူ ၅၀ဦးခန့် တက်ရောက်ခဲ့ကြသည်။

Geneva Call ကိုယ်စားလှယ်ဖြစ်သူ မစ္စတာ တီမိုသီကားစတိုင်းယားက “KNU နဲ့ နှစ်ပေါင်းများစွာ အလုပ်လုပ်ခဲ့တယ်။ အခုလို လက်မှတ်ထိုးတဲ့အဆင့်အထိ ရောက်ဖို့ အချိန်အများကြီး ကြာခဲ့တယ်။ အခု အဆင့်ထိ ရောက်လာလို့ ၀မ်းသာတယ်။ ရှေ့ဆက်ပြီး ကျန်တဲ့အဖွဲ့တွေလည်း အလားတူ လက်မှတ် ထိုးနိုင်ဖို့ KNU နဲ့ ကျနော်တို့ အလုပ်တွဲ လုပ်သွားမှာပါ”ဟု ကေအိုင်စီသို့ပြောသည်။

KNU သည် Geneva Call နှင့် ကတိက၀တ် ပြုထားသည့်အတိုင်း ဆောင်ရွက်ပြီး အလားတူ အခြားသော တိုင်းရင်းသားများ၏ ကလေးသူငယ်နှင့် အမျိုးသမီးများ၏ အခွင့်အရေးများကိုလည်း ကာကွယ်စောင့်ရှောက်သွားကြရန် ပဒိုစောကွယ်ထူးဝင်းက တိုက်တွန်းလိုက်သည်။

KWO ဥက္ကဌ နန်းဒါးအဲ့ကလယ်က “ကျမတို့အနေနဲ့ ကေအဲန်ယူရဲ့ စာချုပ်ချုပ်ဆိုမှုအပေါ် ၀မ်းသာ ကြိုဆိုပါတယ်။ ဒါကို စံနမူနာ ယူပြီး အစိုးရစစ်တပ်နဲ့ ကျန်တိုင်းရင်းသား လက်နက်ကိုင်အဖွဲ့တွေလည်း လိုက်လံလုပ်ဆောင်မယ်ဆိုရင် တိုင်းရင်းသူအားလုံးအတွက် ကာကွယ်ရာရောက်ပါတယ်။ သေနတ်သံ မကြားတိုင်း ငြိမ်းချမ်းသွားတာမဟုတ်လို့ အကြမ်းဖက်မှုတွေ အားလုံးချုပ်ငြိမ်း သွားဖို့လိုပါတယ်။ ဒါကြောင့် ကတိက၀တ်အပြင် ကျူးလွန်မှုတွေကို သိရှိတွေ့ရှိမယ်ဆို အမျိုးသမီးတွေအတွက် တရား မျှတမှုကို ရှာဖွေပေးသွားစေချင်ပါတယ်။”ဟု ကေအိုင်စီသို့ ပြောဆိုသည်။

လက်နက်ကိုင်ပဋိပက္ခအတွင်း ကလေးသူငယ်များနှင့် အမျိုးသမီးများကို အကာအကွယ် ပေးထားသော စည်းမျဉ်းစည်းကမ်းများ မှာ KNU တွင် ရှိနှင့်ပြီးဖြစ်သလို ပြီးခဲ့သည့် ၂၀၀၄ခုနှစ်မှစ၍ အသက် ၁၈နှစ် မပြည့်သေးသော ကလေးသူငယ်များကို ကရင်အမျိုးသားလွတ်မြောက်ရေးတပ်မတော် KNLA သို့ ၀င်ရောက်တာဝန်ထမ်းဆောင်ခြင်းမလုပ်ရန် တားမြစ်ထားမှုများရှိနှင့်ပြီး ပိုမိုပြည့်စုံရန်အတွက် စာချုပ် ရခြင်းဖြစ်ကြောင်းနှင့် ကုလသမဂ္ဂနှင့် အပြန်လှန်ဆွေးနွေးရန် လမ်းဖွင့်ထားကြောင်း ဇူလိုင် ၂၁ရက်နေ့ ထုတ် KNU ၏ ကြေညာချက်တွင် ဖော်ပြထားသည်။

KNU သည် မြန်မာအစိုးရနှင့် ၂၀၁၂ခုနှစ်၊ ဇန်န၀ါရီလက ပဏာမအပစ်အခတ် ရပ်စဲရေး သဘော တူညီမှုရရှိခဲ့ပြီးနောက် တနှစ်ခွဲ တွင် Geneva Call နှင့် ယခုလို သဘောတူစာချုပ်ကို ပထမဆုံးအကြိမ် ချုပ်ဆိုနိုင်ခဲ့ခြင်းဖြစ်သည်။