30.1.2014
ဂျန္နဝါရီလ ၂၇ ရက်မနက်ပိုင်းက NLD ရုံးအနီးတွင်နေထိုင်သူ ဒေါ်မြက အိမ်ရှေ့လှဲကျင်းရာမှအဆိုပါ အဖြူရောင်ပလပ်စတစ်အိတ်များဖြင့်ထုတ် ထားသည့် ယမ်းထုပ်၂ ထုပ် ကိုတွေ့ရှိခဲ့ရာမှ သက်ဆိုင်ရာသို့ အကြောင်း ကြားခဲ့ခြင်းဖြစ်သည်ဟု ဆိုပါသည်။
“ကျနော်တို့ ပြည်နယ်အလုပ်အမှုဆောင် အစည်းအဝေးလုပ်နေတဲ့ အချိန် မှာအဲ့ ယမ်းထုပ်တွေတွေ့တာ ပါ၊ ဒေါ်စုလာပြီးနောက်တစ်ရက် မှာဖြစ်တာ ဆိုတော့ လုံးဝမရိုးသားဘူးလို့ထင်တယ်” - ဟု NLD ခရိုင် ဥက္ကဌ ဦးတင်မောင်တိုးမှ ပြောကြားခဲ့သည်။
အဆိုပါယမ်းထုပ်များကို ခရိုင်ရဲတပ်ဖွဲ့နှင့် ၉၀၃ စစ်မြေပြင်အင်ဂျင် နီယာ တပ်မှ ပုဂ္ဂိုလ်များရောက် ရှိစစ်ဆေးရာ မိုင်းမဟုတ်ကြောင်း အတည်ပြုပြော ကြား ခဲ့သည်ဟု သိရသည်
“အဲဒီအထုပ် ၂ ထုပ်ကို သတင်းစာစက္ကူနဲ့ထုပ်ထားတာ။ ပြင်းအားများတဲ့ ယမ်းထုပ်တွေ လို့တာဝန်ရှိ ပုဂ္ဂိုလ် တွေကပြောတယ် ” - ဟု အဆိုပါရုံးမှ ပုဂ္ဂိုလ်တဦးကပြန်လည်ပြောပြသည်။
တစ်ထုပ်လျင် အလေးချိန် (၉) ကျပ်သားခန့်ရှိ မြင်းသီလာ (ARSENIC TRI SULPHIDEAS ) အထုပ် နှစ်ဆယ်၊ အလေးချိန်(၂၅) ကျပ်သားခန့်ရှိ အဖြူရောင်ပိုတက် (CAUSTIC POTASH ) အစရှိပေါက် ကွဲမှုဖြစ်စေသည့် ယမ်းထုပ် များဖြစ်ကြောင်း ၊ မည်သည့်ရည်ရွယ်ချက်ဖြင့်ထိုသို့ NLD ရုံးရှေ့လာရောက် ချထားသည်ကိုမူ တာဝန်ရှိသူများစောင့်ကြပ်ကြည့်ရှု စုံစမ်းနေကြောင်း တောင်ကြီးမြို့ NLD ပါတီ အသိုင်း အဝိုင်းထံမှသိရသည်။
အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်သည် ၂၄ ရက်နေ့မှ ၂၆ ရက်နေ့အထိ သျှမ်းပြည် တောင်ပိုင်း နမ့်ဇန်၊ မိုးနဲ၊ လင်းခေး၊ တောင်ကြီးမြို့တို့တွင် ဒေသခံလူထုနှင့်တွေ့ဆုံကာ ၂၀၀၈ ဖွဲ့စည်းပုံ အကြောင်း ရှင်းလင်းပြောကြားခဲ့သည်။ တောင်ကြီးမြို့တွင်မူ အဝေရာ မီးပုံးပျံကွင်း တွင် ဟောပြောရန်အတွက် လုံခြုံရေးနှင့် နယ်စပ်ရေးရာ ဝန်ကြီးက ခွင့်မပြုကြောင်းထုတ်ပြန်သဖြင့် ကားပေါ်တွင်စင်ထိုးကာ ဟောပြောခဲ့ရပါသည်။
သျှမ်းသံတော်ဆင့်
No comments:
Post a Comment