တပ်မတော် ကာကွယ်ရေး ဦးစီးချုပ်
ဗိုလ်ချုပ်မှူးကြီး မင်းအောင်လှိုင် သည် KNU ကရင် အမျိုးသား အစည်းအရုံး
ဥက္ကဋ္ဌ စောမူတူးစေးဖိုး ခေါင်းဆောင်သော အဖွဲ့အား ယနေ့ မွန်းလွဲ ၂ နာရီတွင်
နေပြည်တော်ရှိ ဘုရင့်နောင် ရိပ်သာ ဧည့်ခန်းမ ဆောင်၌ လက်ခံ တွေ့ဆုံသည်။
တွေ့ဆုံပွဲတွင် ထာဝရ ငြိမ်းချမ်းရေး
ဖော်ဆောင်မှု ဆိုင်ရာ ကိစ္စရပ်များ၊ နယ်မြေဒေသ ဖွံ့ဖြိုး တိုးတက်မှု ဆိုင်ရာ
ကိစ္စရပ်များနှင့် ဒီမိုကရေစီ လမ်းစဉ် နှင့်အညီ လျှောက် လှမ်း နေမှုဆိုင်ရာ
ကိစ္စရပ်များနှင့် နှစ်ဦးနှစ်ဖက် မကြာခဏ ထိတွေ့ ဆက်ဆံမှုများ ပြုလုပ်ရေး
တို့အား ရင်းနှီး ပွင့်လင်းစွာ အမြင်ချင်း ဖလှယ် ဆွေးနွေးကြသည်။
တွေ့ဆုံပွဲ အပြီးတွင် တပ်မတော် ကာကွယ်ရေး
ဦးစီးချုပ် ဗိုလ်ချုပ်မှူးကြီး မင်းအောင်လှိုင်က KNU ကရင် အမျိုးသား
အစည်းအရုံး ဥက္ကဋ္ဌ စောမူတူး စေးဖိုးနှင့် အဖွဲ့ဝင် များအား အမှတ်တရ လက်ဆောင်
ပစ္စည်းပေးအပ် ခဲ့ကြောင်း သတင်း ရရှိသည်။
No comments:
Post a Comment