ဧရာဝတီတိုင်းဒေသကြီး၊ လပွတ္တာမြို့နယ်၊ ကန်ဘဲ့ကျေးရွာမှာ ဒီနေ့
မနက်အစောပိုင်းက မီးလောင်ခဲ့ရာမှာ အိမ်ခြေ ၂၀၀ ကျော် မီးလောင်ကျွမ်းခဲ့ပြီး
လူဦးရေ တစ်ထောင်ကျော် အိုးမဲ့အိမ်မဲ့ ဖြစ်ခဲ့တယ်လို့ လပွတ္တာမြို့နယ် မီးသတ်ဦးစီးဌာနက အာအက်ဖ်အေကို ပြောပါတယ်။
အိုးမဲ့အိမ်မဲ့ ဖြစ်သွားတဲ့ မီးဘေးဒုက္ခသည် တစ်ထောင်ကျော်ဟာ ကန်ဘဲ့ကျေးရွာ
မဟာဘုံစံကျောင်းတိုက် ကယ်ဆယ်ရေးစခန်းမှာ ခိုလှုံနေကြတယ်လို့ မြို့နယ်
မီးသတ်ဦးစီးဌာနကတာဝန်ခံ ဦးကျော်မျိုးမြင့်က ပြောပါတယ်။
"
အကြမ်းအားဖြင့်တော့ ပေါ့ဆမီးကြောင့်ဖြစ်တယ်လို့ ယူဆပါတယ်၊ နေအိမ်ကတော့ ၂၁၃
လုံးပေ့ါ၊ ဒုက္ခသည်တွေကို မဟာဘုံထိုင်ကျောင်းတိုက်မှာ ကယ်ဆယ်ရေးစခန်း
ဖွင့်လှစ်ထားရှိတယ်ပေါ့၊ လူဦးရေက အားလုံးပေါင်း ၁၁၈၂ ပါဗျ၊ လောလောဆယ်ထိ
ကျွန်တော်တို့ ကောက်ယူရရှိမှု အခြေအနေပေါ့"
မီးလောင်ခဲ့တဲ့
ကန်ဘဲ့ရွာထဲကို မီးသတ်ကားဝင်လို့မရတာကြောင့် မီးညွန့်ကျိုးအောင်
ကြိုးစားရာမှာ အခက်အခဲရှိခဲ့ကြောင်း ကျေးရွာသားတွေရဲ့
ဝိုင်းဝန်းကူညီပေးမှုကြောင့် မနက် ၆ နာရီကျော်လောက်မှ
မီးငြိမ်းသတ်နိုင်ခဲ့တယ်လို့ ပြောပါတယ်။
မီးလောင်ပျက်စီးမှုကြောင့် ဆုံးရှုံးရတဲ့ တန်ဘိုး ကျပ်သိန်း ၅၅၀ ကျော်ရှိတယ်လို့ သိရပါတယ်။
မနေ့ည ၁၀နာရီကျော်လောက်ကလည်း ဖျာပုံမြို့နယ် ၁၂ ရပ်ကွက်မှာ
မီးလောင်ခဲ့ပြီး မီးငြိမ်းသတ်နေစဉ်မှာ မီးသတ်ဦးစီးဌာနက ဝန်ထမ်း ၂ ဦး
ဒဏ်ရာရရှိခဲ့ပြီး တစ်ဦးသေဆုံးသွားခဲ့တယ်လို့ သိရပါတယ်။
ဖျာပုံမြို့နယ် မီးလောင်ကျွမ်းမှုမှာ အချိန်မီ မီးငြိမ်းသတ်နိုင်ခဲ့တယ်လို့ သိရပါတယ်။
No comments:
Post a Comment