ငြိမ်းချမ်းရေးဖော်ဆောင်စဉ်ကာလ ပဋိပက္ခဒေသများတွင် စီမံကိန်းကြီးများ မလုပ်ဆောင်ရန် သုံးသပ်မှုများရှိနေ

ငြိမ်းချမ်းရေးလုပ်ငန်းစဉ်များ လုပ်ဆောင်နေသော ကာလအတွင်း ပဋိပက္ခဖြစ်ထားသော ဒေသများတွင် နိုင်ငံရေးအမြတ်ထုတ်သကဲ့သို့ ဖြစ်နိုင်သော ဖွံ့ဖြိုးရေးနှင့်ဆိုင်သော စီမံကိန်းလုပ်ငန်းကြီးများကို မလုပ် ဆောင်ရန် မြန်မာပြည်သူ့ဖိုရမ်အတွင်း ဒီဇင်ဘာ ၂၉ ရက်က ပြုလုပ်သော ငြိမ်းချမ်းရေးကဏ္ဍ အလုပ်ရုံ ဆွေးနွေးပွဲ၌ တက်ရောက်ဆွေးနွေးသူများက တိုက်တွန်း ပြောကြားလိုက်သည်။

ငြိမ်းချမ်းရေး ညှိနှိုင်းဆွေးနွေးနေသည့်ကာလတွင် အပစ်အခတ်ရပ်စဲရေးကို ပထမဦးဆုံးအနေဖြင့်ဆောင် ရွက်ထားပြီးတစ်ဆက်တည်းတွင် တိုင်းရင်းသားဒေသ ဖွံ့ဖြိုးရေးလုပ်ငန်းများကိုလည်း စတင်ဆောင်ရွက် နေသည်။ ထိုသို့ ဖွံ့ဖြိုးရေးလုပ်ငန်းများ လုပ်ဆောင်နေချိန်တွင် ဒေသခံပြည်သူများ မထိခိုက်စေရန်အ တွက် အဓိကထား စဉ်းစားရမည်ဟု ထောက်ပြ ပြောဆိုကြခြင်းဖြစ်သည်။

အထူးသတိထားရမည့် အချက်တစ်ချက်အနေဖြင့် အကယ်၍ ပဋိပက္ခဖြစ်ပွားနေသောဒေသတွင် ဖွံ့ဖြိုး ရေးလုပ်ငန်းများလုပ်ရင်း အဆိုပါကာလအတွင်းတွင် ၎င်းဒေသရှိပြည်သူများနှင့် သဟဇာတဖြစ်ခြင်း၊ပေါင်းစည်းညီညွတ်ခြင်းမရှိလျှင် ပဋိပက္ခ ပြန်လည်ဖြစ်ပွားနိုင်သော အနေအထားမျိုးရှိသည့်အတွက် ပဋိ ပက္ခဖြစ်ပွားပြီးဒေသတွင် ဖွံ့ဖြိုးရေးလုပ်ငန်းလုပ်ခြင်းကို ထည့်သွင်းစဉ်းစားရန်၊ ပဋိပက္ခဖြစ်ပြီးဒေသများရှိ လူမှုပေါင်းစည်းညီညွတ်ခြင်းနှင့်လူမှုသဟဇာတဖြစ်ခြင်း ခေါင်းစဉ်တွင် ပါဝင်ဦးဆောင်ဆွေးနွေးသူတစ် ဦးဖြစ်သည့် ကရင့်ရေးရာကော်မတီအတွင်းရေးမှူး စောကျော်စွာက ထောက်ပြပြောဆိုသည်။

ဖွံ့ဖြိုးရေးလုပ်ဆောင်နေရာတွင် အချို့ဒေသများ၌ များသောအားဖြင့် ဆောက်လုပ်ရေးလုပ်ငန်း သို့မ ဟုတ် စီးပွားရေးဇုန်ကဲ့သို့ စီးပွားရေးလုပ်ငန်းများ အကြီးအကျယ် ဆောင်ရွက်ရန် လုပ်ဆောင်နေသည်ကို တွေ့ရသောကြောင့် ထိုသို့ ပြောဆိုလိုက်ခြင်းဖြစ်သည်။

“ငြိမ်းချမ်းရေးဖော်ဆောင်နေတဲ့ကာလမှာ ဒီဟာတွေကို မလုပ်ဆောင်ဖို့ လိုအပ်ပါတယ်။ နောက်တစ်ခုက အဲလိုလုပ်ဆောင်တဲ့အခါမှာ တချို့တကယ်တမ်းကျတော့ ပြည်သူတွေ၊ ဒုက္ခသည်တွေနဲ့ ကျန်တဲ့လူတွေ က သူတို့ရဲ့ဘ၀လုံခြုံမှုမရှိဘဲနဲ့ ဒီလိုလုပ်တဲ့အခါ တစ်ခါတလေ သူတို့ကိုဖိအားပေးပြီးတော့ နေရာပြောင်း ရွှေ့စေတာမျိုး ဖြစ်တတ်တယ်။ စီးပွားရေးအခြေခံတဲ့ ဖွံ့ဖြိုးရေးလုပ်ငန်းမျိုး၊ ဒုက္ခသည်တွေပြန်လာလို့မရ၊ ပြန်လည်နေရာချထားဖို့ ဖိအားပေးတဲ့ ဖွံ့ဖြိုးရေးလုပ်ငန်းမျိုး ရှောင်ရှားသင့်တယ်”ဟု ပြောသည်။

ထို့ပြင် ငြိမ်းချမ်းရေးလုပ်ဆောင်သောကာလ သို့မဟုတ် ငြိမ်းချမ်းရေးသဘောတူလက်မှတ် မရရှိသေး သောအချိန်တွင် ကြီးမားသော ဖွံ့ဖြိုးရေးလုပ်ငန်းများကို လုံးဝရပ်ဆိုင်းထားသင့်သည်ဟုလည်း ကေ အင်န်ယူနယ်မြေအတွင်းနေထိုင်သော ပြည်သူများ၏ တင်ပြထားချက်ကို အလုပ်ရုံဆွေးနွေးပွဲ၌ ပြန်လည် တင်ပြသည်။

“ငြိမ်းချမ်းရေးတည်ဆောက်နေတဲ့ကာလ လုပ်ဆောင်မယ့် ဖွံ့ဖြိုးရေးမှန်သမျှသည် နိုင်ငံရေးအမြတ်ထုတ် သော ဖွံ့ဖြိုးရေးမဖြစ်ဖို့ လိုအပ်တယ်။ တကယ် လူမှုဖွံ့ဖြိုးရေးလုပ်တဲ့အခါမှာ ပညာရေး၊ ကျန်းမာရေး စ သည့် ဖွံ့ဖြိုးရေးလုပ်ငန်းများ လုပ်ဆောင်ဖို့ အရေးကြီးပါတယ်။ ဒါပေမဲ့ တကယ်လို့များ တိုင်းရင်းသား လက်နက်ကိုင်နယ်မြေထဲမှာ ပညာရေးဖွံ့ဖြိုးရေးလုပ်ငန်းတစ်ခု လုပ်မိမယ်ဆိုရင် ဒါမှမဟုတ်ကျန်းမာရေး လုပ်ငန်းဝန်ဆောင်မှုနဲ့ အခြေစိုက်လုပ်ငန်းလုပ်ခဲ့မယ်ဆိုရင် ဘာတွေဖြစ်သွားနိုင်သလဲဆိုတော့ နယ်မြေ ချဲ့ထွင်မှုအနေနဲ့ ဖြစ်ပွားနိုင်တဲ့အတွက်ကြောင့် ငြိမ်းချမ်းရေးဖော်ဆောင်နေတဲ့ကာလမှာ နိုင်ငံရေးအမြတ် ထုတ်တဲ့ပုံစံမျိုးနဲ့တူသော ဖွံ့ဖြိုးရေးလုပ်ငန်းများကို မလုပ်ဆောင်သင့်သေးဘူးလို့ ပြည်သူတွေက ပြော ဆိုထားတယ်”ဟု စောကျော်စွာက ပြောသည်။

ထို့ပြင် နိုင်ငံတော်အစိုးရနှင့် လက်နက်ကိုင်တိုင်းရင်းသားအဖွဲ့အစည်းများ ဆွေးနွေးနေသော ငြိမ်းချမ်း ရေးစားပွဲပေါ်တွင် ပြည်သူတို့၏ ဒေသမှထွက်ရှိသော သယံဇာတကို ပြည်သူတို့ ပိုင်ဆိုင်နိုင်ခွင့်ရှိကြောင်းကိုလည်း ထည့်သွင်းဆွေးနွေးရန် လိုအပ်ကြောင်း အဆိုပါအလုပ်ရုံဆွေးနွေးပွဲ တက်ရောက်လာသူများမှ ထောက်ပြပြောဆိုသည်။

အဆိုပါသယံဇာတကိစ္စနှင့်ပတ်သက်၍လည်း ငြိမ်းချမ်းရေးလုပ်ငန်းစဉ်တွင် နိုင်ငံရေးဆွေးနွေးပွဲမတိုင်မီ နှစ်ဖက်လုံးမှ ၀ိုင်းဝန်းဖြေရှင်းရန်လိုအပ်သောကိစ္စတစ်ခုဖြစ်ကြောင်း အစိုးရ၏ ငြိမ်းချမ်းရေးဖော်ဆောင် ရေးဘက်မှ နည်းပညာအထောက်အကူပြုအဖွဲ့ဝင် ဒေါက်တာမင်းဇော်ဦးက မဇ္ဈိမကို ပြောထားသည်။

လတ်တလောတွင် ငြိမ်းချမ်းရေးသဘောတူလက်မှတ် ရေးထိုးထားသည်ဟု ပြောသော်လည်း အချို့နေ ရာများတွင် နိုင်ငံရေးပြဿနာများ ဖြေရှင်းမပြီးသေးသော နေရာများရှိနေသည်။ ထို့ကြောင့် အဆိုပါနေ ရာများတွင် ကြီးမားသော ဖွံ့ဖြိုးရေးလုပ်ငန်းများဖြစ်သည့် Mega Project များ လောလောဆယ် မလုပ် ဆောင်သင့်ဟု အဆိုပါအလုပ်ရုံဆွေးနွေးပွဲအပြီးသဘောတူကြေညာချက် ငါးချက် ထုတ်ပြန်သည့်အထဲ တွင် ထည့်သွင်း တိုက်တွန်းလိုက်ခြင်းဖြစ်သည်။

အကယ်၍ လုပ်ဆောင်မည်ဆိုလျှင်လည်း အဆိုပါဒေသတစ်ဝိုက်ရှိ နိုင်ငံရေးခေါင်းဆောင်များ၊ အဖွဲ့အ စည်းများ၊ ပဋိပက္ခခံစားနေရသော ပြည်သူများကိုယ်တိုင် ဖွံ့ဖြိုးရေးလုပ်ငန်းလုပ်ရန်အတွက် ဆုံးဖြတ် သည့်နေရာတွင် ပါဝင်ခွင့်ရှိရန် အရေးကြီးသည်ဟု ကျွမ်းကျင်သူများက ဆိုကြသည်။

အဆိုပါ အလုပ်ရုံဆွေးနွေးပွဲများ ပြုလုပ်လျက်ရှိသော မြန်မာပြည်သူ့ဖိုရမ်ကို ရန်ကုန်မြို့ရှိ မြန်မာကွန်ဗင်း ရှင်းစင်တာတွင် ဒီဇင်ဘာ ၂၈ ရက်မှ ၃၀ ရက်အထိ ပြုလုပ်ခြင်းဖြစ်သည်။

စုမြတ်ဝေ 

mizzima