ထိုင်းနိုင်ငံ ကန်ချနပူရီခရိုင်၊
ဆိုင်ယွတ်မြို့နယ် ဘောတီကျေးရွာတွင် နေထိုင်သည့် မြန်မာနိုင်ငံတိုင်းရင်း သားများအတွက်
ထိုင်းဘုရင်မှ ထိုင်းနိုင်ငံသားကဒ် ပြုလုပ်ပေးရာတွင် ဘတ်ငွေ ၆၀သာ ကုန်ကျသည်ဟု
ထုတ်ပြန် ထားသော်လည်း သက်ဆိုင်ရာ အစိုးရဌာနများ၏ လာဘ်ပေးလာဘ်ယူမှုကြောင့် လက်တွေ့တွင် ခက်ခဲလျှက် ရှိကြောင်း သိရသည်။
လက်ရှိတွင်
ထိုင်းနိုင်ငံ(တောင်ပေါ်)သားကဒ်ပြား လုပ်ဆောင်လိုသူများကို သက်ဆိုင်ရာရွာသူကြီးများက
သတ်မှတ်ထားသည့် ကုန်ကျနှုန်းထက် ကျော်လွန်၍ ဘတ်ငွေ သုံးသောင်းမှ လေးသောင်းအထိ
တောင်းခံနေေ ကြာင်း ထိုင်းနိုင်ငံသားကဒ်ပြားရရှိနိုင်ရန် လိုက်လံကူညီပေးနေသည့်
ဘောတီရွာမှ စောပဘေးလေက ကေအိုင်စီ သို့ ပြောသည်။
စောပဘေးလေက “နိုင်ငံသားကဒ်ပြားလုပ်ဖို့
ထိုင်းဘုရင်ရဲ့ သတ်မှတ်ထားတဲ့အရဆိုရင် လုပ်ရတာလွယ် တာပေါ့။အခုတော့မတရားငွေတွေ
တောင်းတဲ့အခါကျတော့ လုပ်တဲ့သူတွေအတွက် တော်တော် ဒုက္ခရောက် တယ်။ ကျနော်တောင်
သူတို့တောင်းသလို ပိုက်ဆံပေးရင် ရပြီ။ အဲလို ငွေညစ်လို့ မလုပ်သေးဘူး။
အခြား လုပ်ချင် တဲ့သူတွေ ကို လိုက်လုပ်ပေးမယ်”ဟု ကေအိုင်စီ သို့ ပြောသည်။
ဘောတီရွာတွင် လက်ရှိရွာသူကြီးအဖြစ်
တာဝန်ယူနေသည့် ဟူကြည်ကရယ်ဟော်နှင့် ရွာရှိ ကော်မတီ အဖွဲ့ဝင်များသည် သက်ဆိုင်ရာ
အစိုးရတာဝန်ရှိသူများနှင့် ပူးပေါင်းကာထိုသို့ထိုင်းနိုင်ငံ(တောင်ပေါ်)သား ကဒ်ပြား လုပ်ဆောင်လိုသူများကို ငွေကြေး တောင်းခံနေခြင်းဖြစ်သည်ဟု စောပဘေး လက ဆက်ပြောသည်။
ထိုကဲ့သို့ ငွေတောင်းခံမှုကြောင့်ယခင်ဇွန်လ၁၅ရက်နေ့ကဘန်ကောက်မြို့ရှိ ထိုင်းနိုင်ငံနယ်စပ်နှင့် တော င်ပေါ်ဒေသများတွင်
နေထိုင်သူများအတွက် နိုင်ငံသားကဒ်ပြားလုပ်ဆောင်ပေးနေသည့် အစိုးရ ၀န်ကြီးတစ်ဦး က
ဘောတီရွာသို့ ဆင်းလာကာ ရွာသူ ရွာသားများနှင့် နှစ်ရက်ကြာ တွေ့ဆုံဆွေးနွေးခဲ့သည်ဟု
သိရသည်။
တွေ့ဆုံမှုတွင် အဆိုပါဝန်ကြီးက “ဘုရင်က
ထိုင်းသက္ကရာဇ်၂၅၄၄ ခုနှစ်(၂၀၀၂ခုနှစ်)၊ ၀န်ကြီးချုပ်တာ့ခ် ဆင် လက်ထက်တုန်းက
ထိုင်းနိုင်ငံရဲ့ နယ်စပ်နဲ့ တောင်ပေါ်ဒေသမှာ နေထိုင်တဲ့လူတွေကို
နိုင်ငံသား ကဒ်ပြား လုပ်ပေးဖို့ အမိန့်ထုတ်ထားတာ ရှိတယ်။ ဘာကြောင့် မလုပ်ပေးလဲ။
ဒီကဒ်ပြားတွေ လုပ်ပေးတာဟာ ထိုင်းနိုင်ငံမှာ ပဋိပက္ခ မဖြစ်ပွားဖို့ဖြစ်တယ်”ဟု
ပြောဆိုသွားခဲ့သည် ဟု စောပဘေးလေက တဆင့် ပြန်လည်ပြောဆိုသည်။
ဆက်လက်၍ ထိုတွေ့ဆုံဆွေးနွေးပွဲတွင်
ဘောတီတာဝန်ရှိသူများ တက်ရောက်ခဲ့ခြင်း မရှိကြောင်းနှင့် ၀န်ကြီးက ထိုင်းနိုင်ငံအ
တွင်း ဆယ်စုနှစ်များစွာ နေထိုင်လာသူ အားလုံးကို နိုင်ငံသားကဒ် လုပ်ဆောင်သွား မည်ဖြစ်ပြီး
ထိုသူများအနေဖြင့် အမည်စာရင်း တင်သွင်းသွားကြရန် ပြောဆိုသွားကြောင်း သိရသည်။
ထိုင်းနိုင်ငံအတွင်းရှိ
မြို့နယ် ၂၇ခုတွင် နေထိုင်သည့် ကရင်လူမျိုး အပါအ၀င် မြန်မာနိုင်ငံ
တိုင်းရင်းသားများ ၂သန်းခန့်ရှိပြီး နိုင်ငံသားကဒ်ပြားရရှိရန်
၉သိန်းကျန်ရှိနေသေးပြီး လူဦးရေ ၅ထောင်ခန့် နေထိုင် သည့် ဘောတီ တွင် လက်ရှိ
နိုင်ငံသားကဒ်(အဖြူ) ရရှိထားသူ နှစ်ရာကျော်သာ ရှိသေးကြောင်း သိရသည်။
ဘောတီရွာသည်
အမှတ်(၁) ဘောတီ၊ အမှတ်(၂) ထီးဖိုးပါထာ့၊ အမှတ်(၃) ထိုင်းမူယားနှင့် အမှတ်(၄)
ပသိမ့်ယော်ဟူ၍ ရွာလေးရွာ စုပေါင်းထားပြီး အမှတ်(၁)၊ (၂)တို့တွင်
ကရင်လူမျိုးအများဆုံးနေထိုင်ကာ အမှတ်(၃)၊ (၄)တို့တွင် ဗမာနှင့် ကုလားလူမျိုးများ
အများဆုံးနေထိုင်ကြသည်ဟု သိရသည်။
No comments:
Post a Comment